وين اببحر ؟ ان غدا همٌك سفينه ...

[فهد المطيري]

اهدي لكم هذه الكلمات للشاعر فهد مطلق المطيري

اتمنى ان تنال على رضاكم



[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
وين اببحر ؟ أن غدا همك سفينه = لاشواطي تحتويه . ولا مواني
صدقيني . مابقى في هالمدينه = غيرك انتي . بين جدران الاماني
وافقي مادام هو اللي تبينه = غصب عني لو شرق فيها لساني
ما اتخيل كيف يلمسك بيدينه = وكيف يدخل قلبك ويأخذ مكاني
ولا اتخيل كيف اشوفك وسط عينه = وكيف صدرك يرتمي في حضن ثاني
المكان اللي جمعنا تذكرينه ؟ = والله انه مانساك ولا نساني
به بقايا حب واسرارً دفينه = وبه بقايا عطر وانواع الأغاني
ايه اببقى العاشق اللي تعرفينه = وآتحدى هالبشر قاصي وداني
وان طفى . نور الشوارع . والمدينه = حبنا لاينطفي تكفى . عشاني [/poem]


ولكم تحياتي

اخوكم

[طالع]

صح لسانك يافهد

وحياك الله

ابيات في غاية الروعه

ارد للمره الثانيه لاني رديت على هذه القصيده ورايت عتابك في قسم الاقتراحات

ولكن يعلم الله اني دورتها حتى في مشاركاتك ولا ادري وين اختفت

لكن عسانا نكون عند رضاك يالغالي

[فهد المطيري]

اخوي طالع

تسلم ياقلبي على مرورك . وبيني وبينك انا شفت رد اخوي الحصان . وأنه بحث ولا لقاها مشكور ماقصر

وقال احتمال منزلها في منتدى ثاني . انا حبيت اعتبر أنه ولا شي صار ولايلحقني فيكم شك

وانا بين اخواني وأكيد اختفت بدون قصد أو علم من الاخوان المسئولين عن المنتدى

ولك تحياتي

اخوك الصغير

[إبن ثعلي]

مشكور يافهد المطيري على حسن الاختيار وصح السان شاعر القصيده
تحياتي

[خالـد]

صح لسانك اخوي فهد على القصيده الجميله
وفعلا اختيار رائع
تقبل تحيات اخوك خالد

[فهد العايضي]

صح لسانك يافهد ولسان شاعرها

والف لاهنت على هذا الإختيار الرائع

[فهد المطيري]

اخوي بن ثعلي


تسلم ياقلبي على مرورك العطر

ولك تحياتي

اخوك

[فهد المطيري]

اخوي خالد


تسلم ياقلبي على مرورك العطر

ولك تحياتي

اخوك

[فهد المطيري]

اخوي الغريب

الله لايهينك ياقلبي مشكور على مرورك العر

ولك تحياتي

اخوك

[فهد المطيري]

[align=left]...................[/align]