توّ الخطاوي ياطوال المشاوير ..!!

[ماجد االعتيبي]

توّ الخطاوي ياطوال المشاوير ** من صدّ عن شمس الضحى مانطحها !!

والزلـّـة الليّ مالها أيّ تبرير ** ماترفع أصلاً هامة الليّ دمحها !!

البيـّـنة ماهي بحاجة لتفســـير ** والخافية فحيحها في قدحها !!

مايستر الـرجـّـال حشمة وتـقدير ** لا صار بطن " أم الكباير " فضحها !!

ومن كان ماله بالليالي مغاتير ** لا يامن سباع الخلا لا نبحــْـها !!

رح بلـّـغ اللي " باع " مبداه للغير ** قل " نخلةالوادي " تساقط بلـحــها !!

وإن قال : خير الليّ حصل .. قل : حصل خير ** الأرض تعطي خيرهـا من فلـحـهـا

ياحيف ياولد .. الرجال المــشاهير ** يالليّ جدوده كل طيـّـب مدحـــها !!

بيته عقب ماهــو مـلاذ الـمنـاعير ** صـار لــ " سـرابيتٍ " تفرّك سـبحـها !!

من يوم طاح بماجنات الغــناديـر ** وأنا أدري " ثياب المراجل " شلحـــها !!

حذّرت لكن .. مانفع فيه تحذيــر ** وبعض الأوادم تكره الليّ نصحها !!!!

قليل دِبـْـرة " مابراســه " تـــدابـير ** للريح " بيبان المصايب " فتـحها !!!

الغيث حوله وش يبي بقاعة البيـر ؟!! ** ماكـل دلوٍ .. تسقي اللي متــحها !!

حمامته على هديل .. الـمـزامــير ** تلعب طرب حتى الحيا .. ماذبحها !!

قامت تهـَـزّع .. بين عكـف المنــاقير ** مافيه مخلب ناشـها مـاجـرحـها !!

أسرارها ريشٍ غدى له .. دعــاثير ** حتى العمى بين السوالف لمـحها !!!!

نامت وحلـْـمت إنـّـها زوجة الـــزيـر ** ومحد مصدّق .. إن " سالـم " نكــحـها !!

ناسٍ فرحها مـاللأحـزان .. به طـير ** وناسٍ من الأحزان تنسـى فــرحها !!

دنيا .. ولا من ربحـْـها إلاّ .. المخـاسير ** ولاخـاسرٍ فيها سـوى .. من ربحــها !!

[كان موجود]

قصيده احتوت الجزاله كلها

صح لسان من قالها

وشكرا لك على النقل

[اصايل]

الغيث حوله وش يبي بقاعة البيـر ؟!! ** ماكـل دلوٍ .. تسقي اللي متــحها !!

حمامته على هديل .. الـمـزامــير ** تلعب طرب حتى الحيا .. ماذبحها !!

قامت تهـَـزّع .. بين عكـف المنــاقير ** مافيه مخلب ناشـها مـاجـرحـها !!



الله


رااااااااااائعه


كل بيت اجزل من الثاني


سلم انتقاءك


لاهنت

[بنت الهيــــلا]

قصيده جزله تحمل الكثير من المعاني
صح لسانك والسان قايلها
ولا عدمنا جديدك ,,

[ماجد االعتيبي]

مشكورين جميعــــــــا
على التواصل العطر والله يعطيكم ألف عافية ..