قصيــــدهـ عــن المـراجــــل

[بنت الروسان]

]إذا المراجل لبسة شماغ وعقال

*********************** قل للعذارى يلبسنّ العمايم
ما عاد يفرق زول حرمه ورجال

**********************دام الفعايل تشبه البعض دايم
المرجله ما هيب كلمه وتنقال

********************* وتروح ما راحت هبوب النسايم

وإلا خشونة صوتٍ أو رفع الأثقال

****************** أو رزة صدور ٍ وفعل الزلايم

ولا هي بعد مفتاح موتر وجوال

************************ وإلا ردا السان ٍ حديثه شتايم

المرجله شيمه عن القيل والقال

****************** رفيع نفس ٍ حر بالجو حايم

المرجله عقلٍ وِزن وزنه جبال

****************** ودون العقل وش فرقنا والبهايم

يا مسندي لو مايل الوقت بي مال

********************* يا وِلد ابويه يا عظيم العزايم

يا معرّب الجدين امن العم والخال

******************** يا نخوة المفزوع وقت الهزايم

المرجله يا خويه هي طولة البال

****************** هيّ العزم هيّ الصبر فالظلايم

فيها الكرم عزه و دله وفنجال

********************* فيها الكرامه عن ردا الطبع شايم

ومن لا يعرف الرب في طيـّـب الحال

********************* لابد وقت الضيق بالهمّ هايم

حتى صلاتك مع جماعات ورجال

**********************في خيرها يا خوي نعم الغنايم

و اليا انتصفت الليل يا طيب الفال

********************* يا عظمه اجرك وانت ساجد وقايم

ولامنـّـها للرب رِفعنّ الاعمال

*********************** حسن الذكر لا قالو فلان صايم

واحذر تبيع النفس في درب الانـذال

********************** وتتبع خوي إبليس راع النمايم

النفس خيلِ لك إذا كنت خيّال

************************ ومن لا قوى نفسه قوته الهزايم

ولا صرت ما تدري, على ويش رجال؟

********************* والله خسارة فيك ذبح التمايم

V
V
V
V
V
V
وش رايكــــم؟؟؟؟؟

[إبن ثعلي]

اختيار موفق يابنت الروسان وقصيدة جزله لكن ماقلتي من قائل القصيده

[بنت الروسان]

تسلم اخوي لكن للاسف ماعندي اي فكره عن قائل القصيده لكن ابشر بعزك اببحث عن قائلها واجييبه بأسرع وقت ممكن ..
تحــــــــــــــــياتي

[乂صـواعب乂]

صح لسان شاعرها

وتسلم يد ناقلها

يعطيج العافيه بنت الروسان على الاختيار الطيب

ونتريا الزود من صوبج

تحياتي لك

[سفير حرب]

[align=center]تسلم أناملك بنت الروسان على النقل

وصراحة كل بيت منها يعبر عن قصيده

شكرا على الاختيار الموفق[/align]

[بنت الروسان]

مشكوووووووووووووره يا العنيده و يا سفير الحب.....
تحـــــياتي

[الأســـد]

صح لسان شاعرها,,,

وسلمت يداك ... على الاختيار المميز,,,

وننتظر أسم شاعرها,,,

دمتي,,

[ރسلايـل المجـدރ]

[align=center]لا هنتى على الاختيـار[/align]

[جريح الشمال]

~*¤ô§ô¤*~مشكووووورة~*¤ô§ô¤*~