شاب القصيد.. وباقـي الهـم ماشـاب

[((الدلبحي))]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شاب القصيد.. وباقـي الهـم ماشـاب=
نعيـم فكـري.. ماتجـاوز جحيـمـه
يوم انفتح معناي للحـرف.. وانسـاب=
للحزن قيمه.. وأصـدق الشعـر قيمـه
نويت أميلها غزل.. وأكسـب اعجـاب=
حديـث عشـقٍ.. مـن نديـم لنديمـه
لكن حضر (هم الشعر).. والغزل غـاب=
جـا للشعـر بيـن المحانـي حطيمـه
من يحترق.. ماله عن النـار مجنـاب=
وماهو بشـرط.. إن العواقـب سليمـه
والشعر لو جاله جماعـات.. وأحـزاب=
زيـف المشاعـر.. لا تمـادى ذميمـه
ياشينها لا طولت.. (حرب الأعصـاب)=
ماينتصـر فـارس.. ولا مـن غنيمـه
ماجا بدون حساب.. ماجالـه حسـاب=
((والنصر لا جا سهل مثـل الهزيمـة))
((احدٍ عرق وجهه من الوقـت صبـاب=
وأحدٍ عـرق غيـره مسبـب نعيمـه))
للفعـل روّايــه.. وللمجـلـس آداب=
وللمستقيـم أفـكـاره.. المستقيـمـة
الصفحة اللـى ضيعـت جهـد كتـاب=
وجودهـا وسـط المجلـد.. جريـمـه
من عابها.. يفتح على الناس له بـاب=
يشيب راسه.. ماعـرف مـن خصيمـه
ومن غض طرفه ضاع.. والوقت غلاب=
والعقـل نعمـه.. والجهالـه عقيـمـه
إلى متى..؟!! زود (التفاخر بالأنسـاب)=
العـز مـن تـوج جديـده.. قديـمـه
كبوة جواد (الروس).. من حظ (الأذناب)=
وبعض الأسامي.. جت لأهلهـا ظليمـه
بس العزى.. ماينقص النـار مشهـاب=
من شـذ محـرومٍ.. عسـاه الحريمـه
والفعل بيت.. وعزة النفـس الأطنـاب=
يبني على الشيمـه.. ببـذل وعزيمـة
ولو نظرة العالم لنا.. (بـدو وأعـراب)=
حنـا الأصـول الثابـتـات المديـمـه
حنا بنينا المجد.. مـن قـو الأسبـاب=
تاريخنـا.. طـب العقـول السقيـمـه
مايلغي التاريـخ.. (تظليـل الأغـراب)=
((الحر يفهم.. والبهيمـه بهيمـه))..!!
الشاعر عبيد الازمع[/poem]

[طويل الذراع]

صح السانك والسان الشاعر

والله يعطيك العافيه

تحياتي

[فيصل المسعودي]

صح لسانك ولسان الشاعر


وتشكر على النقل الطيب


تحياتي

[وليد الزراقي]

جزله من جزل
مشكور ابو حمود

[اخو من طاع الله]

صح لسان الشاعر ولا هنت على نقلها يا الدلبحي

الله يعطيك العافيه

[فواز الشيباني]

صح السانك والسان الشاعر

الله يعطيك العافيه على الاختيار الرائع

[((الدلبحي))]

طويل الذراع

صح بدنك

تحياااااااااااااااااااااااااااااااااتي

[((الدلبحي))]

فيصل المسعودي

هلابك

تحياااااااااااااااااااااااااااااااتي

[((الدلبحي))]

وليد الزراقي

تسلم على مرورك الكريم

تحيااااااااااااااااااااااااااااتي

[((الدلبحي))]

عبد الله الحافي

صح بدنك وهلابك

تحياااااااااااااااااااااااااااااااااتي