ولا ينشري وسع الخواطر بالاموال

[نوف]

ماكل ما يطري على البال ينقال*
ولا كل من جاب الطواريق غناّ
ولا ينشري وسع الخواطر بالاموال*
كم واحدٍ من كثر ماله تعنّا
وكم من فقيرٍ جر بالصوت موال*
نجره على فقر الليالي يدنّا
البيت اجار ولا خزاين للاموال*
وصينيته لضيوف بيته تدنّا
رجلٍ على فعل الرجاجيل فعّال*
الى وقف في لازمه ما تثنّى
وان جا الجهل من ناس ماشين جهال*
جنب وقال الله لا يمتحنّا
وفالضيق يكفي عن ثمانين رجال*
الى اظلمت منّا وحدّوك منّا
وركضت تطرد بالخلا ضاحك اللال*
وامسيت كنّك بالصحاري مجنّا
وطاولك همٍ يبري الحال سلاّل*
يصير لك درع ٍحصين وتهنّا
هذاك جنسه يوم يطري على البال*
أدعي عساهم يكثرون بوطنّا
عيال واحفاد للأبطال وابطال*
كم سيروا من شامنا لا يمنّا
منهم طرالي واحدٍ ماله امثال*
لاضاق بالي صحت يابو مهنا
يفز لي حافي بلا شماغ واعقال*
ماكن بالدنيا حليه يكنّا
يابو مهنّا طافحٍ كل مكيال*
والناس قدمي كنها ازوال جنّا
مهيب حسّة عم والاّ خطا خال*
ولا بيعةٍ فيها الرجال تغبنّا
هي حاجةٍ تنقال في حال وبحال*
أقفل عليها قفل ابو تاج منّا
جتني وانا بين التردد والامهال*
ومدت لي السيف الشطير المحنّا
وقَدمت واخليت المنازل لنزّال*
ولقلامه اللي بالخفا عبرنّا
وحط الخطا منّي على كل الاحوال*
واهتز ماله بالضماير مبنّا
ولا زال باقٍ شي بالقلب لا زال*
مستامنه عندي بعد ما ومنّا


محمد النفيعي

[جراح العتيبي]

شكرا
لك على القصيده المليئه بالحكم والامثال والجزاله.
قاف ومعنى وطرق رائع وفكره وصياغه..

صح لسان النفيعي

وشكرا لاناملك الجيله لنقل هذه الفاتنه الى هنا
استفدنا والله يا نوف

شكرا جزيلا

[خالـد]

ماكل ما يطري على البال ينقال*
ولا كل من جاب الطواريق غناّ
ولا ينشري وسع الخواطر بالاموال*
كم واحدٍ من كثر ماله تعنّا

تسلمين والله على النقل الرائع

[نوف]

اخي العزيز جراح

أبهجني مرورك الرائع

وشرفتني بحضورك

أشكرك على تواجدك


دمت سالما

[نوف]

اخي العزيز خالد

دائما وانت مشرفني لاهنت

اشكرك على مرورك وتواجدك


دمت سالما

[منصور الشيباني]

الغالية : نوف

لا هنتي

تحياتي وتقديري

[العود الازرق]

راااااااااااااااااااااااااااااااااااائعة

تسلم يمينك

[الدجيما]

سلمت يانوف وصح لسان الشاعر.

الله اكبر الله اكبر لااله الاالله

الله اكبر الله اكبر ولله الحمد

الدجيما

[نوف]

اخي العزيز منصوور

سعدت بمرورك الكريم

لاهنت وشرفتني بحضورك



دمت سالما

[نوف]

اخي العزيز العود الازرق

دائما منورني بإطلالتك

الرائعه لاهنت اخوي

أشكرك على تواصلك


دمت سالما