مرثية الشاعر عبدالله بن عون في الأمير نايف

[الخال]

عقب نايف ياطواريح الطيور
وفروا مجهودكم لا تطرحونه

مانقول بمن على الدنيا قصور
بس راح اللي يقدره ويصونه

يغلي الحر الوحش وافي الشبور
فيه من طبعه ومن شكله ولونه

الطواريح اتباشر بالعبور
من طرح له نادر نايف زبونه

كم عديم هد من عقب النسور
يستلذ صقارته ما يصقرونه

راح من ضيقه بفقدانه صدور
يوم غيره لا رحل ما يفقدونه

العزا للطير ورجال السبور
مع ذعاذيع الصفاري يحترونه

الصقاره عقب عينه في دبور
اعذروا (بن عون) لافاضت عيونه

[الصهد]

صح لسان ابن عون وسلمت يمينك يالخال دمت بخير

[عزيزة الجناب]

الله الله

صح لسان الشاعر بن عون

ويسلم الذوق وراعيه

[رائد المرشدي]

القصيده هذه لاترتقي بمستوى الشاعر الكبير عبدالله بن عون

ابن عون اذا رثاء نايف رثاء بقصيده على اسمها وهذه لاباس بها لكن لاعتقد انها للهرم ابن عون

[الصهد]

قويه يالمرشدي ؟!

[اصايل]

الله يرحمه

صح لسان الشاعر

وصح ايرادك الخال

لاهنت ..

[فــارس الــوادي]

صح لسان بن عون وعز الله ان نايف زبونها
قصيده تحوي معاني كبيره والله يرحم ابو محمد

[عبدالعزيز الفرج]

صح لسان الشاعر

سلمت على الايراد


لاعدمناك

[ربعي شبابه]

الله يرحمه

رائعه شعريه

تسلم ع النقل