بعض العرب يسوى ثمانين مليار //وبعض العرب تدفع لفرقاه مليون..؟

[؛؛ابو ريناد؛؛]

بعض العرب يسوى ثمانين مليار //وبعض العرب تدفع لفرقاه مليون..؟

السلام عليكم ورحمة الله وبركاته

تحيه طيبه وبعد ...

اليكم هذه القصيده وهي قصيده واقعيه جدآ

[ALIGN=CENTER][TABLETEXT="width:70%;"][CELL="filter:;"][ALIGN=center]
بعض العرب يسوى ثمانيـن مليـار=وبعض العرب تدفع لفرقـاه مليـون
وبعض العرب كنه محطـات الاخبـار=فلان سـب فـلان وفـلان مطعـون
وبعض العرب في شغلته مثل كومـار=يؤمر وينُها عـن لـف الدركسـون
يؤمـر علـى ذم الرياجيـل الأخيـار=وكنه من جنون البقر عنـده جنـون
وبعض العرب يشهر ويبعد بالأنظـار=ويكفخ بجنحانه عـن اللـي يذمـون
وبعض العرب مايستحي سر وجهـار=تصفح عنه ويجيك عايـل وملسـون
تطوف بيته يعترض لك علـى القـار=وفي معرفة ساعه حسب نفسه يمون
وبعض العرب طبعه مخـادع ومكـار=يخفي لك البغضاء وراء ضحكة سنون
وبعض العرب كنه رضيعٍ مـع الفـار=ينقل وباء ويجيـب للنـاس طاعـون
مقباس شر ويتبع النـاس الأشـرار=وبالكهرباء كنه على الناس مشحـون
وبعض العرب بين العرب يشعل النار=يزعم بنفسـه ينتفـخ تقـل بالـون
لو كان مايسوى ولـو ربـع دينـار=بس بمجال الغطرسـه عنـده فنـون
يضيق فيـه الثـوب لاجـوه خطـار=وتلقاه في حالة حزن ليـن يمشـون
ويفرح اليا حلوا ضيوفه على الجـار=وأن شاف ضيفانه غداء شبه محزون
يزعل من اللـي عنـده دلال ووجـار=وتلقاه فبيوت الكرم يلحس صحـون
ودك تركـب لـه ميجـلان وأنـذار=يعطيه فالجبهه مؤشر علـى الهـون
وان مال عن حده على يمين ويسـار=وجه له الأنـذار والنـاس يوحـون
وأن كان كررها أخـذ معـه مشـوار=بأدب وعقل وحكمه وهـرج مـوزون
والناس مثل النـاس لاكـن الأفكـار=مابه توافق بينهـا شـي مضمـون
والشاعر اللي كفـو تقديـم الأزهـار=اللي لسانه عن هجاء الناس مصيون

الشاعر فلاح بن عريج المطيري

[/ALIGN][/CELL][/TABLETEXT][/ALIGN]

[وجودك يكفي]

صح لسان الشاعر فلاح المطيري ولآهنت على النقل يابوريناد

[مهـرة مـطير]

صح لسآن شآعرهآ

وشكرآ ع الانتقآء المميز يآ بو رينآد

[الصهد]

بعض العرب يشهر ويبعد بالأنظـار = ويكفخ بجنحانه عـن اللـي يذمـون

صح لسان المطيري ولاهنت يابو ريناد
تحياتي وتقديري

[؛؛ابو ريناد؛؛]

وجودك يكفي
مهرة مطير
الصهد
مشكورين ع التواجد والمرور الزاكي
حياكم مولاكم هُنا

[عزيزة الجناب]

ابوريناد

الله الله

قصيده جزله صح لسان شاعرها

وصح ذوقك وتسلم ع هالنقل الفخم

لاهنت

[؛؛ابو ريناد؛؛]

عزيزة هلابك وما الفخم إلا ذائقتك الرائعه

[عايش الكريزي]

مشكوووووور والله يعطيك الف عافيه

[ريوف]

صح لسان شاعرها

شكرا اخوي

[الطرف الحنون]

ويفرح اليا حلوا ضيوفه على الجـار=وأن شاف ضيفانه غداء شبه محزون
يزعل من اللـي عنـده دلال ووجـار=وتلقاه فبيوت الكرم يلحس صحـون


اللي هذا حاله ( عساه ما يقوم)

صح لسان الشاعر

ولا هنت أخي ع النقل الراقي

بارك الله فيك