أنت الذي لك بالمراجل مواقيف

[الأدميرال]

قصيده رائعه جدا حبيت انقلها لكم


أنت الذي لك بالمراجل مواقيف
صداقتك طول الزمن تاج راسي


صداقتك ماهي مخادع وتزييف
على الشرف والطيب ساسك وساسي


يابن الرجال مفرقين المواليف
تروس في يوم اللقاء ماتراسي


اللي بيوم المعركه ترفع السيف
أفعالهم مثل الجبال الرواسي


وأيضا تقدر واجب الجار والضيف
ناسا تماشي بالشرف كل ناسي


سطر لها التاريخ علما وتشريف
ماهو كلام الضعف والانتكاسي


وصداقتك ماهي بجمع السواليف
ولاهي صداقات القلوب النجاسي


اللي صداقتهم مثل بارق الصيف
يصادقك بالليل والصبح ناسي


واليا طلبته شي صرفك تصريف
واليا بغاك يصير فضه وماسي


وإلا أنت ذخري بالسنين الشواحيف
وانت عضيدي كل مالان باسي


واليا حصل لي في زماني صواديف
انصاك لاجاء بالزمان إفتراسي


ياذيب دايم منزلك بالمشاريف
وإلا الخرابه منزلن للبساسي


هاذي بيوتن عنك موجز وتعريف
ياأعز صدقاني وياتاج راسي

[فهيد مقعد الرويس]

لاهنت

على النقل يالادمرال

ولوذكرت اسم الشاعر لكان افضل

ولاهنت مره اخرى

تحيتي وتقديري

[الأدميرال]

فيهد الرويس اسعدني مرورك المشرف للموضوع

وبالنسبه لصاحب القصيده معرفه

[||كلَي شموخ||]

الله الله
طرحت فأبدعت ..
عافاك ربي ع النقل
لاهنت
ودّي

[وجودك يكفي]

صح لسان شاعرها

قصيدة رائعه

لآ هنت يالادميرال على الأختيار الموفق والطرح الجميل



لك ودي واحترامي

[الأدميرال]

كلي شموخ الابداع في مرورك والف شكر لمرورك

[الأدميرال]

وجودك يكفي الف شكر على المرور ياغالي ولاهنت

[سعد نجد]

يعطيك العافيه

لاهنت