ومن لا يعز النفس يخسر شبابه

[قـــايـــد]

اعوذ بالرحمن من كل وسواس
واستغفر المعبود وأرجي ثوابه
بعت النياق وصار في القلب هوجاس
بأسباب عامر لاسقى الله ترابه
زهدت فيهن وأصبح الوضع منحاس
بأبخس ثمن ذودي مصفي حسابه
حدتني الدنيا على أنذال وخساس
تنهش بنيبان سوات الذيابه
قالوا ترفد وأوف دينك من الناس
قلت آه رجال وعلي المهابه
مادام راسي حي وألفظ بالأنفاس
ماأسترفد المخلوق وأطق بابه
ياناس خلوني ترى القلب حساس
لا تشطنون القلب يكفيه مابه
أخاف من هرجة بطيني ونداس
وصح الضمير اللي تلامع ثيابه
وأنا أدري أن العز للرجل نوماس
ومن لايعز النفس يخسر شبابه
وقد قيل قبلي خبل ياطابخ الفاس
مابه مرق من فأس عذب شرابه
الله يالدنيا لها حجم وقياس
لــــــكن ماتسوى جناح الذبابه
عند الولي قالها ترى مالها ساس
وأن ضاع مني ساعدي وآسفابه
الشاعر:محمد بن غضيان بن عدوس السيحاني
وسلامتــــــــــــــــــــــــــــــــــــــــــــ ـــكم منقووووووووول

[فهيد مقعد الرويس]

صح لسان

الشاعر محمد

ولاهنت على النقل ياقايد

تحيتي وتقديري

[قـــايـــد]

فهيد الرويس اسعدني مرورك وشكرا لك

[||كلَي شموخ||]

يعطيك العافيه
طرح مميز
لاهنت

[قـــايـــد]

كلي شموخ اشكرك على مرورك

[غليص الشيباني]

صح لسان قايلها
ومشكور اخوي
وتقبل مروري

[برقآآآآوي]

مادام راسي حي وألفظ بالأنفاس
ماأسترفد المخلوق وأطق بابه
ياناس خلوني ترى القلب حساس
لا تشطنون القلب يكفيه مابه

صح لسانـ قايلها
ومن نقلهـــا


رآآآآقت لي \ برقآآآآوي

[سلطان الشوق]

صح لسان شاعرها

تحياتي لك

[قـــايـــد]

لكم تحياتي وخالص شكري والله لا يهينكم

[ادفا قلب]

الله عليك

قصيدة رائعة

اشكرك