اللي يبــينا عــيت النفـس تبغــيـه

[سراب_a]

بسم الله الرحمن الرحيم

:42:قصة قصيدة:اللي يبــينا عــيت النفـس تبغــيـه …

اللي يبــينا عــيت النفـس تبغــيـه … واللي نبيه عــيا البخـت لا يجـيبـه

الشاعرة نورة الحوشان تعيش في بلدها بمنطقة القصيم

مستورة مع زوجها عبود بن علي إلى أن وقع بينهما طلاقاً لا رجعة فيه ،

وبعد الطلاق تقدم لها الكثير طالب الزواج منها حيث أنها امرأة جميلة
و
من عائلة معروفة ، وقد رفضت الزواج بعد زوجها عبود الذي كانت

ومازالت تحبه وترى فيه مواصفات الرجل المثالي ...

وذات يوم كانت تسير على طريقٍ يمر


بمزرعته وبصحبتها أولادها منه،وعندما


مرت بالمزرعة رأته فوقفت على

ناحية المزرعة وانطلق الأولاد

للسلام على أبيهم وبقيت تنتظرهم إلى أن رجعوا إليها فأخذتهم وأكملت

مسيرها ، وقد تذكرت أيامها معه وتذكرت من تقدم لخطبتها بعد الطلاق

ورفضُها لهم فقالت قصيدتها المشهورة

وإليكم قصيدتها الرائعة:-



ياعـين شـوفي زرع خلِّك وراعيه … شـوفي معَاوِيْدِهْ وشـوفي قِــِليْــبِه

ياعـين هِـلِّي صَـافي الدمع هِـلِّـيـه … وإلْيَا انتهى صافِيْه هَاتي سِرِيـْبـِه

من أول .. دايـم لرايــه نمـالــيــه … واليـوم جَـيَّـتْـهُـم عــلينا صعـيـبـه

وان مرني بالدرب ما اقدر أحاكيه … مصــيـبـة ياكـــبرها من مصـيـبـه

اللي يبــينا عــيت النفـس تبغــيـه … واللي نبيه عــيا البخـت لا يجـيبـــه

[شيخ الشيوخـ]

شكراً ياسراب
والبلده اللي كانت تعيش فيها نوره الحوشان لسيت في القصيم
بل هي مدينة ( نفي ) في عالية نجد وهي تابعه لمحافضة الدوادمي
وكانت تعيش فيها قبل انتقالهم للكويت


ونوره الحوشان هي من قبيلة الرشايده

وزوجها هو من عائلة السويلم من العوازم ( بني عطا)


ولها ابيات اخرى في زوجها
ومنها

قلبي يحب صويحبي مير يكوين
مكوي يبين الجرح به قبل دمه
ابيه لو هو يطبخن ثم يشوين
يبرد لهيب القلب ضمه ولمه
ياحلو قولة هيه ياويش تبغين
احلى من الورع المغوغي على امه

ومشكوره على هالقصيده

[كان موجود]

لاهنت سراب على الموضوع والقصه والابيات المشهوره

اللي يبينا عيت النفس تبغيه = واللي نبي عيا البخت لا يجيبه

ولاهنت ياشيخ الشيوخ على المعلومات الاضافية
وعلى الابيات الاضافيه الراااااائعه
تحيتي وتقديري ..

[سراب_a]

شيخ الشيوخ

مشكور على المرور

والمعلومات والأبيات الإضافيه

يعطيك العافيه

[سراب_a]

ماهر النمر

يعطيك العافيه على المرور

[عبدالله العازمي]

السلام عليكم

انا قرات الموضوع ووجدت فيه أخطاء واهمها:
1 انكم تقولون انها من <قبيلة الرشايده> و لكن هي من "<<قبيلة العوازم>>" ، وتسكن في نفي وليس في القصيم، وزوجها هو من ابناء عمومتها ، واما ما تقوله المصادر والكتب فهو كلام مزيف، والنعم في قبيلة الرشايدة ، ولكن وهي من فخذ الشلاوين من قبيلة العوازم من عائلة الحوشان ، وقبيلة الرشايدة لا يوجد فيها عائلة يقال لها الحوشان .

"تقبلوا فائق احترامي "

وشكرا,,,

[ادفا قلب]

بسم الله الرحمن الرحيم
قصيدة رائعة
الف شكر

[عبدالله الحيص]