حــكــــــم ..............

[برقاوي هواوي]

[frame="7 80"]من لاينال الطيـب فـىاول شبابـه
ماظن يظفر به ليا عارضـه شـاب

ومن لايميز فـي خطـاه وصوابـه
لوصاب مره عشر مرات ماصـاب

ومن لاعلى جسمـه يفصـل ثيابـه
والله ليوضع فوق ضرس وتحت ناب

ومن لايعرف القيـظ يتبـع سرابـه
ويصبر على لفح السمايم والاتعـاب

ومن طق بيبان العـرب طـق بابـه
ولاضاع حق ومن ورى الحق طلاب

والسيف قـوة سلتـه مـن نصابـه
ولاخير في سيفٍ يجرب في الاقراب

ياللـي تبـي قـدرٍ رفيـع ومهابـه
ابعد عن الشباك وادخل مـع البـاب

وحاذور من جحر الخبـاره ودابـه
ترى الوقايه خير من كـل الاطبـاب

ولاتعتـرض لـك عيـةٍ تبتـلابـه
دامك معافـى لاتعـرض للاسبـاب

ولاتـارد الا اللـي عـذيٍ شرابـه
عد الوبا مايشربه كـود مـن خـاب

والجار لو عـن داره ابطـا غيابـه
خلك وصيـه لاتخونـه اليـا غـاب

والضيف رحب بـه وكـرم جنابـه
وقدم له الميسور من كـل ماطـاب

وتبشر بقول ونعم فـي كـل جابـه
ويزداد قدرك بين ربعك والاجنـاب[/frame]



شعر / الشاعر الكبير ضاوي العصيمي

[محمد العتيبي]

برقاوي هواوي ... تسلم والله على نقل الجزل وصح لسان الشاعر ضاوي العصيمي

تحياتي

[برقاوي هواوي]

الله يسلمك أخوي افتخراني عتيبي ولاهنت على المرور

[ناصر بن سعدي]

برقاوي هواوي


سلمت على نقل الجزل ........ياجزل...


وصح لسان الشاعر الكبير ضاوي العصيمي


على الحكم المجانيه والدرر الذهبيه....



وتقبل فائق إحترامي

[النـايــــــف]

صح لسانك اخوي برقاوي هواوي


وصح لسان الشاعر ضاوي العصيمي


وبيض الله وجهك يا الغالي


على هذا الاختيار الرائع


تحياتي لك ،،،،

[حسام هوازن]

صح لسانك يولد العم على الابيات الرائعة

دمت بخير

[إبن ثعلي]

مشكور يابرقاوي على حسن الاختيار وصح السان الشاعر ضاوي العصيمي
تحياتي

[برقاوي هواوي]

اللــه يسلمك أخوي ناصر وتسلم على المرور

[برقاوي هواوي]

صــح بدنك أخوي النايف ووجهك أبيض ولاهنت على المرور

[برقاوي هواوي]

صــح بدنك أخوي حسام هوازن وتسلم يا عزوتي