قصيده للشاعرعبدالله زويبن

[ساري]

[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
من روائـــع الشـاعـر/عبدالله بن زويبن الحربي

لي حاجة عيت تحقق من العام=عيا يطيب الحظ لو قلت أظنه
يفز فزة غاتر عقب مانام=جنه حلوم مزعجه وأيقظنه
وجدي على تحقيقها وجد صدام=على يدين بالولاء بايعنه
وبلاده اللي ماعرضها للاسوام=وعرش الرئاسة والجيوش المرنه
اللي قذايفها تعدت ورى الشام=شامير يوم ولايته روعنه
وبيوته اللي من سيراميك ورخام=خطط وصممهن على كيف فنه
ماتنتعدد تكلفتهن بالارقام=ماهو مواطن عايدي يبهضنه
حاكم من الحكام ويصدر الخام=دار السرية والدول يدعمنه
متريّس له دولة شعبها اقسام=ويلعب على القسمين شيعه وسنه
مخلي ٍ شيخانهم تقل خدام=يمشون خلفه خوف ماهو محنه
ملا البيوت من الارامل والايتام=وملا السجون المظلمة والمجنه
يالين طشنه مقادير الايام= من النجوم النايفة نزلنه
مثل الوليشة بين عدوان الاسلام=من كل صوب كلابهم ينهشنه
او وجد عود يرتكي كل ماقام=على كفوف يديه من كبر سنه
الليا غفل بايامه الماضيه هام=والليا انتبه من غفلته ( جر ونّه )
من عقب ماهو للمغاوير مقدام=الليا غزا صم الرمك يتبعنه
ومروبع يزمي مثل عز لزام=الليا اقبلن شيب الغوارب نصنه
بظهورهن ربع كريمين وحشام=الليا جذبهم صوت نجر يدنه
يجذب له الغايب وسموه عزام=من كثر مايجذب شراريب بنه
اليوم كل اللي بقي جلد وعظام=والمال خمس اشياه والبيت عنه
ولاله عيال ينصرونه الليا انظام=الا بنات ٍ بالهضاااايم شونه
ياقلب خلك للروابع والاوهام=رفيق درب وكل هم ٍ تبنه
والا انتفض واربط محقاك بحزام=وعن قوم ( وش سويت ) خافيك كنه
والشر عنك خلاف والخير قدام=والصبر في وقت المعاناة سنه [/poem]

[العريدي11]

صح لسانك وصح لسان عبدالله الحربي



الله لا يهينك

[عطيب عتيبه]

صح لسانك وصح لسان عبدالله الحربي



الله لا يهينك

[اخو من طاع الله]

صح لسانك ولسان شاعرها


شاكر لك حسن اختيارك

[برقاوي هواوي]

تسلم يمينك أخوي وصح لسانك ولسان قايلها

[ساري]

صــــــح بدنــــــك الاخ الــعـــريــــدي

ومشكــــور على المــــــرور

[ساري]

الاخ عطيب عتيبه

مشكور على المرور

والله لايهينك

[ساري]

الاخ عبدالله الحافي

مشكور على المرور

والله لايهينك

[ساري]

الاخ عبدالرحمن النفيعي

مشكور على المرور

والله لايهينك

[الجوووري2]

[align=center][frame="7 80"][glow=CC6699]صح لساااانك
ولسااان شاعرهااا
وسلمت ايديك
ابيات روووعه
الله لا يحرمنااا جديدك يااا رب[/glow][/frame][/align]