@ لاتفوتكم قصة محزززنه @

[وليد الزراقي]

قصةَُ محزنه ... وبنفس الوقت معبره أيضَآ ... قصتها ســلطان بن ربــاح ..... كان له خويّ يقال له ...محمـد بن عقٌيل .... جمعتهمَ اخّوة الدنيا..... من يوم كانوا صغار ... على عز ومعزة ... كــبرواّ .....وتزوج ســلطان وجـاه ولد سمـاه....... محمد على إسمٍ

خويه محمد من زود مايغليه ....كانوا يحبـون المقنـاصَ ويحبون. الصيد , وطلعوا مره الاثنين مامعهم الإرب العالمين ...

ويوم جا وقت الظهر انشغل محمد بتجهيز الغدا ... وقعد سلطان ينظف السلاح وكان

فيها طلقه مادرى عنها سـلطان..! في المخزنه .. ضغط الزناد !!

وثارتً البندق ...!!!

ومات خويه محمد ! شال سلطــان خويه محمد .... وسلم نفسه .. وبدوا أهل الخير .....

يتوافدون على أهل محمد لعلهم يتنازلون ... عن سلــطان .....

لكن للإســـف؟


وصلت الدية قرابة العشر ملايين .... ورفضوا إلا راس براس !!

صدر الحكم الحكم وقصــًوا ســلطان ....

لكن الصدفة ...!!!



إن قبــر َ ســلطان كان بجنـب قـبر محمد ....!!!

فكــانوا إخوان في الدنيـا ..... وجيران .. في القــبور ًًًَََُُ!

وقيلت هذه القصيده التي توصف مدى مااصاب سلطان .. من حزن وهم .. وهو في

السجن , وحزنه على زوجته وأولاده فيقول ....






يافـلاح الهـم خيـمً فـوق قلبـيً يـافـلاح
كيـف أسولـف وأنـت خابـرنـي علـيـل

وش قولك في عليـلأ فـي حياتـهَ ماستـراح
بالخطا راحت حياتـه والخطـا مالـه مثيـل

كان ويا صاحبـهً إثنيـن فـي أرض بـراح
يطردون الصيد دايم من صبـح ليـن المقيـل

جمعتهم صحبـة الدنيـا علـى جـد ومـزاح
مايهابـون الليالـي والحمـول اللـي تمـيـل

ماقتل عامـد ولكـن ثًـورَ ابليـس السـلاح
بالخطا ثار السلاح ! ويـن يلقـى لـه دليـل

وانعقد سجنـه وربعـه تنتظـر فكـالسـراح
والأكيد إنه سجيـن ومارضـوا ربـع القتيـل

هل... دمعه يوم صلى ركعتين فـي الصبـاح
في نهار الجمعه اللي مـن ثقيـل فـي ثقيـل

هلـلَ وكبـر ونفسـه تذّكـر اللـي راح راح
كان في ربعه عزيـز وذلـهّ الوقـت الذليـل

لامحمد .... لاتهاني ... لاسعود .. ولا صلاح
كلهم كانـوا علـى بالـه وهمـه فـي هديـل

طفلـه.. ماكملـت عاميـن صايبهـا كسـاح
وإنتثر دمعـه وحالـه مـن سبايبهـا نحيـل

حال تنفيذ القصاص وغطوا .. الراس بوشـاح
وجاك سيافه يشيل السيف ابـو حـد صقيـل

ارتخى راسه وزاد الموقف الحامـي صيـاح
بين نوح وبين دمع وبين صيحـات وعويـل

وارتفع صوت الحشود وزاده محمـد وصـاح
يايبه .. تكفى دخيلك .. تستمع قـول الدخيـل

يايبه وشلون .. نصبر وشلون نهجع بإرتيـاح
وأنت من دنيا عيالك ماخـذك مـر الرحيـل

يامحمد هاك علمي .. واحفظه قبـل المـراح
انتبـه لإخوانـك وبالـك عليهـم لاتعـيـل

واللهّ اللهّ في الصلاه وفي الصيـام والصـلاح
واللهّ اللهّ فـي أمكـم واللهّ لكـم بعـدي كفيـل

وغمضَ عيونه ونفسـه تطلـب الله ّالسمـاح
رافع سبابته ومظلوم والله ّلكـم بعـدي كفيـل

وسلٍ سياف الصفا سيفـه وطقـه ثـم طـاح
راسٍ سلطّان المراجـل وانتثـر دمـه يسيـل

وغسلٍوه وكفنوه وفـاح طيـب السـدر فـاح
وبالمصادف صار قبره جنب قبر ابن العقيـل

يافـلاح الكارثـة ماهـي سوالـف يافـلاح
خلنـي ساكـت ودورَ غيـر هالقصـة بديـل



إضافه/يالربع انا سمعت إنهم من قبيلة البقوم وهي موجوده لدي صوتيه جاتني عن طريق البلتوث


منقووووووووول