ذكريات رمضان الطفوله ..............

[سيوف]

،،،،،،،،،،،،،،

كل عام وقارئ موضوعي بخير ورمضان عليكم مبارك

هنا بسولف لحد يقول ممنوع اوك << محد هرج :85:

سبحان الله هذا الشهر عندنا له طابع مميز نحن المسلمين بروحانيته وطقوسه التي تزيدنا حبا وقربا من الله
ابي اتكلم هنا عن سوالف رمضان عندنا وحنا صغار

الطفوله مرحلة الاندفاع الغير مفرمل بشقاوتها تبدا نهارك مسرعا وكانك ستنجز لهذا العالم شيء وانت فقط تريد ان تلحق بركب ربعك علشان تلعب
يقوم الواحد فينا من الصبح ولا يهدأ الا بالنوم الي يجي غصب ونحاربه بعد نبي نكمل العب<< وش تبين توصلين له اصبري شوي :85:

طبعا رمضان وحنا صغار غير صح ولا لا :59:
كان له طعم لايقتوم مثل الفيمتواااااااااااا << ساكون نصيرتك حتى مماتي :37:

عاد انا كان لي اكشنات وش كثر بكتب الحين الي تحضرني والي ماتحضرني بحضرها في وقت لاحق :107:


زمان اول مهب قريب كنا نتزاوم حنا وبيت جيرانا << تراهم عمامي

المهم والقشر الي عنده الفطور من الظهر نسنتر عندهم ع كثر اهلي مايقفلون الباب الا انه تبؤ بالفشل هالمحاولات عاد بيت عمي من يردني عنه تقوم قومة جدتها :59:

المهم عاد العجايز اذا تقابلن ع الفطور مالهن سالفه الا حنا قيلوا علينا <<< لاعادة من طرقه من مزاوم

عاد الحين اختفت هالعاده وماصار يزاوم الا الرياجيل << ع وجهي يوم كبرت :(

حزة السحور بالله من يقوم طفل حزة سحور هذي جدتي عاد وهي تقومنا نعيي بس تقول لنا جلي جلي نقوم نتناقز << تقول مااكلوه من سنه << وهم داغين فيه من المغرب << من حبنا له

هذي نقطة ضعفنا ........

اتذكر كنت احب مكرونه سبكيتي ( الطوال) علشان اسوي زي الدعايه ( امزمزها )

وكنت اشرب فيمتوا طبعا ع مدار الساعه بس المغرب له طعم خاص وربي وع كثر حرص اهلي وانا مانوسخ الوجه الا اني لوماشفت الفيمتو ع جوانب فمي تراني ماشربته وصياح لين يطلع



هذا مالدينا اليوم اتمنى عاد تذيربون وكل واحد ويجي ويحكي لنا رمضان طفولته وش كنتم تسوون

المره القادمه بذكر السيكل وبنت خالي جايه من الكويت وش تقول لعيال الحاره :37:


،،،،،،،،،،،،،،

[ابوسـعد]

موضوع جميل وله مرامي رائعة ولا شك ان السباحين(القصص والحكايات) في هذا الشهر المبارك كثيرة وممتعه ولنا عودة لنبذر في هذا المتصفح ما تفضلتي به علينا من طلب المشاركة وبالله الاعتماد ورمضان كريم

[سلمان]

سيوف تشكرين على الموضوع اختي

وزي ما قلتي شهر رمضان المبارك يمر علينا بذكرياته وطقوسه الجميله وخصوصاً في مراحل الطفوله
للاسف حياتنا اليوم تمر بدون اشياء حتى صرنا ما نذكر وش سوينا امس لدرجة انا كا شخص تمر الايام وانا مدري حنا في اي يوم خميس جمعه سبت احد معاد نميز بينها بسبب مشاغل الحياه لكن يظل رمضان المبارك شهر الذكريات الجميله سوا كانت في الصغر او في الكبر على ان لا اخفي عليك ان رمضان في طفولتي الغابره مشوش في ذهني لإختلاطه مع السنوات مع شهور ثانيه يعني كل ماجيت اذكر رمضان ايام الصغر اذكر صحون السمبوسه والتوت والفمتو وتبادل الجيران بعينات من افطارهم
والي في راسي الحين رمضان القريب نسبياً من 1415 الى 1420لانها كانت شهور امطار وخير

لكن الصوره الي في ذهني للحين كانت حارتنا اشبه بمستعمره ثلاثه من عماني في نفس الشارع من غير ثنين من الجماعه يعني كنا نطلع العصر شلة البزران في الشارع نلعب كوره طبعاً بثيابنا ( يقال له ذكريات ) او فيه حديقه حول بيتنا خربانه ومتهالكه اذكرها كنا نلعب فيها في الزحاليق المصدئه والمراجيح المصنوعه من كفرات الدداسن وكان مايجي المغرب الا مفلوق منا احد اما نيران صديقه او من اعدانا في الحاره يعني كانت ايامه كلها اثاره واذا بدت شمس يومنا با الغروب ورحنا في بيوتنا ودبسنا في الاكل والطيبات وكل واحد صبغ له شنب با التوت والفمتو وراحو الشياب يصلون التراويح كنا في اوج نشاطنا اما نروح لاقرب برحه ونشب في مرابيع الخشب يقال لنا بنجلس وهي لم تكن سؤا اعمال تخريبيه او نذهب الى الشارع العام لغزو المحلات التجاريه واحداث الفوضى يعني نروح 15 ورع نمشي كيلو للشارع العام وحنى مامعنا الا 5 ريال طبعا نطلع روح عامل البقاله لين ما نطلع منها واخر شي يطردنا ونافخ عليه نقول جايين بفلوسنا ( على قولة الشاعر بفلوسنا ياعبيد ماش معروف )
وصح انا كنت شخصياً ارجع البيت علشان اشوف برنامج ماجد الشبل ( سبيكه من ذهب ) اما السحور ما اذكر منه

الا الوالد رحمه الله وغفر له ( يوم يصحينا ويقول تسحرو فا السحور بركه ويجمعنا معه نروح با السياره نصلي الفجر الي كنت اغلب الايام ارقد وانا ساجد من التعب )



وان شاء الله لي رجعه

مع رمضان يوم رحت الحساء

[سيوف]

،،،،،،،،،،،،،،

المشاركة الأصلية كتبت بواسطة abosaad موضوع جميل وله مرامي رائعة ولا شك ان السباحين(القصص والحكايات) في هذا الشهر المبارك كثيرة وممتعه ولنا عودة لنبذر في هذا المتصفح ما تفضلتي به علينا من طلب المشاركة وبالله الاعتماد ورمضان كريم

بارك الله فيك ابو سعد ونحن في انتظار بذرتك هاهنا في متصفحنا :37:

،،،،،،،،،،،،

[سيوف]

المشاركة الأصلية كتبت بواسطة سلمان سيوف تشكرين على الموضوع اختي وزي ما قلتي شهر رمضان المبارك يمر علينا بذكرياته وطقوسه الجميله وخصوصاً في مراحل الطفوله للاسف حياتنا اليوم تمر بدون اشياء حتى صرنا ما نذكر وش سوينا امس لدرجة انا كا شخص تمر الايام وانا مدري حنا في اي يوم خميس جمعه سبت احد معاد نميز بينها بسبب مشاغل الحياه لكن يظل رمضان المبارك شهر الذكريات الجميله سوا كانت في الصغر او في الكبر على ان لا اخفي عليك ان رمضان في طفولتي الغابره مشوش في ذهني لإختلاطه مع السنوات مع شهور ثانيه يعني كل ماجيت اذكر رمضان ايام الصغر اذكر صحون السمبوسه والتوت والفمتو وتبادل الجيران بعينات من افطارهم والي في راسي الحين رمضان القريب نسبياً من 1415 الى 1420لانها كانت شهور امطار وخير لكن الصوره الي في ذهني للحين كانت حارتنا اشبه بمستعمره ثلاثه من عماني في نفس الشارع من غير ثنين من الجماعه يعني كنا نطلع العصر شلة البزران في الشارع نلعب كوره طبعاً بثيابنا ( يقال له ذكريات ) او فيه حديقه حول بيتنا خربانه ومتهالكه اذكرها كنا نلعب فيها في الزحاليق المصدئه والمراجيح المصنوعه من كفرات الدداسن وكان مايجي المغرب الا مفلوق منا احد اما نيران صديقه او من اعدانا في الحاره يعني كانت ايامه كلها اثاره واذا بدت شمس يومنا با الغروب ورحنا في بيوتنا ودبسنا في الاكل والطيبات وكل واحد صبغ له شنب با التوت والفمتو وراحو الشياب يصلون التراويح كنا في اوج نشاطنا اما نروح لاقرب برحه ونشب في مرابيع الخشب يقال لنا بنجلس وهي لم تكن سؤا اعمال تخريبيه او نذهب الى الشارع العام لغزو المحلات التجاريه واحداث الفوضى يعني نروح 15 ورع نمشي كيلو للشارع العام وحنى مامعنا الا 5 ريال طبعا نطلع روح عامل البقاله لين ما نطلع منها واخر شي يطردنا ونافخ عليه نقول جايين بفلوسنا ( على قولة الشاعر بفلوسنا ياعبيد ماش معروف ) وصح انا كنت شخصياً ارجع البيت علشان اشوف برنامج ماجد الشبل ( سبيكه من ذهب ) اما السحور ما اذكر منه الا الوالد رحمه الله وغفر له ( يوم يصحينا ويقول تسحرو فا السحور بركه ويجمعنا معه نروح با السياره نصلي الفجر الي كنت اغلب الايام ارقد وانا ساجد من التعب ) والله صادق سلمان الدونيا تغيرت بس حلووووووه طفولتك وان شاء الله لي رجعه مع رمضان يوم رحت الحساء

في انتظار رجعتك وسوالفك

،،،،،،،،،،

[سيوف]

،،،،،،،،،

سؤال يفرض نفسه ع هذا المتصفح افهم من كذا مالكم طفوله نطيتم كبار ع هالدونيا

من امس طارحته للسوالف مافيه الا ابو سعد وسلمان بس هم الي اخذوا نقمه عندي :85:

<< فرصه لكم الليله ولا صار علوم :59::59: << صاير عندها نزعه حاروقيه


،،،،،،،،،،

[بنت الجن]

[align=right]

يقطع سوالفج..ياخيه :)

رمضان..السنه ذي مميز عندي..ماأدري ليه ..لكن احس فيه بروحانيه وراحه نفسيه..تذكرني بـ أول رمضان طفولي صمته..قد يعود السبب اني..(تناقشت مع نفسي..للبعد عن اغراءت البرامج ومحاولة التقرب من الله)
ليس كما الماضي

لكن مايمنع اسرد بعض طفولة رمضان اللتي احبها


ولي عوده ..مع ذكريات الطفوله :)


ودي لك وتقديري لحرفك..


[/align]

[ابوسـعد]

المشاركة الأصلية كتبت بواسطة سيوف ،،،،،،،،، سؤال يفرض نفسه ع هذا المتصفح افهم من كذا مالكم طفوله نطيتم كبار ع هالدونيا من امس طارحته للسوالف مافيه الا ابو سعد وسلمان بس هم الي اخذوا نقمه عندي :85: << فرصه لكم الليله ولا صار علوم :59::59: << صاير عندها نزعه حاروقيه ،،،،،،،،،،

تهديد ما عندك وقت..الناس صائمين!!! ارفقي علاهم ياسيوف...تراكم هالايام تخوفون!! من الكويت لنجران للصين وغيرها من الدول..شب ضيان الله يكافينا الشر ما عاد فيه تفاهم ههههههه

انهج هات السالفه.>>>>>

اليوم كنت مع مجموعه من الاصدقاء نسولف عن رمضان منول ورمضان هالحين قلت لهم ما فيه وجه مقارنه بين الماضي والحاضر منول ابو زنان ويالله دوبه المطوع يشوف الحرف..المهم ابا اقصرلكم السالفه..كانوا الناس منول يتفقدون بعضهم مع بعض ويسجلون الاسماء عند الامام على شأن التحضير فجرا ورمضان الله يشرفه من زمان إذا جاء الناس ماتنام الا بعد الفجر...كان فيه واحد مثل اخونا سلمان شوي فيه حب الدعابه ..والمؤذن يقرأ الاسماء والامام ماسك السراج على شأن المؤذن يشوف الاسماء وقام المؤذن يردد اسم واحد اكثر من مرة ولا فيه من مجيب المهم شافه الامام من بكره وقال له وينك البارحه ماصليت الفجر قال الرجال مصلي بس نمت وانا ساجد وما قمت الا طلوع الشمس حتى اهلي انزعجوا لأنني ما جئتهم الا مصيف..
الامام كل يوم يحضر والجماعه ودهم يتخلصون منه ..قال واحد عندي فكرة..وراء ما نقول للمؤذن يحضر المطوع مع الناس ليش هو مايصلي..طرحوا الفكرة على المؤذن قالهم "ازهلوه" الليلة اسمه تلقونه يرن..الشباب ماصدقوا خبر جاؤا كلهم للمسجد فجرا والمؤذن يهز راس يعني اتركوه علي...جاء الامام ويرفع السراج على شأن المؤذن يشوف الاسماء والمؤذن اول اسم ذكره هو امام المسجد ..لم يرد في الاولى كرر الاسم قام الامام وزعل وضرب بالسراج على ورقة الاسماء وقال للمؤذن ماتستحي على وجهك اشيل السراج لك وتحضرني..اجلب وجهك لا عاد تحضر احد..وتزاعلوا مدة طويله..الين اقنعوهم ان الامر مدبر بليل فعادوا الى التحضير من جديد الين تفرقت الجموع في مساجد متعددة بعد ان كبرت القرى..وتوسع الامر وصار لكل عائلة مسجد....وهذه واحده من قصص رمضان...وياهلاااوغلااا

[♥أميرة الـ غ ـيد♥]

موضوع جميل سيوووف << الفكره كانت فبااالي بس سبقتيني

المهم عندي سواليف واايد :37: بس اشوووف متى مااافضيت جيت هووووون وسدحتها لكم

يعطيتس العاااافيه سيوووف

[خيّال الهيلا]

كل ذكرياتي الحلوه برمضان كانت بالطفوله ..
فان فتحت الباب اتوقع بنوصل لصفحة 100 ولاخلصنا:) ..

لكن بالامانة كان فيني عرق نذاله ..
ينبض بشهر رمضان وبالتحديد الفتره المتأخره من الطفوله كنت اصوم كل اليوم
وقبل مايفطرون اسبقهم وافطر .. احيانا اخلص عليهم واحيان كل لقمه بطقّه عالقفا :) ..

ولو سبقنا هالفتره بشوي بنشوف ان خيّال كان مجنون وعليه حركات ..
يعني مره افطرت مع اللي بالمسجد اكيد كلهم اجانب .. وتابعين لافطار صائم :)
هذه المره كانت هبقه كذا حبيت اغير الجو واكل رز ولبن .. مره يعجبني اكلهم ..
:)

ومره جيت عند الاهل وقلت اطبخوا لجيراننا معكم ويوم بروح باخذها لهم
طبعا بعد ماخلصنا الفطور اخذت هاللي معديّنه للجيران
جلست بزاوية في الحوش وقعدت اكل :) .. والله العظيم مو دب

لكن جات فتره وكنت مستبد لاني كنت الاصغر وقتها ..
فكانوا يبون يخلوني رجال واتحمل المسوؤليه .. بس اسلوبهم كان تعسفي :)
وكلها من اخواني الكبار يقولون للوالدة خليك شديده معه لاتفلتينه ....
مالت عليهم هالحين الأكل بيؤثر على سلوكي او يخافون بكره انتفخ واكبر وانافسهم :)

ذكريااات كثيره وشريط الذاكره مايتوقف ..
لكن بنترك المساحه لغيرنا .. مشكوره ياسيوف
ربي يسعدك لفتح مثل هالمساحة اللي تحمل اشياء حلوه لها قيمة بنفوس الكل
وكل عام وانتم بخير ..
... وافر الود