محاورة بين الجوهي والمشجري على الزامل المثمون

[الجوهي]

الــــــــــــجـــــــــــــوهـــــــــــــي=


يارفيقي دحق*من مادحـق صارمدحق=بالقـدم يندحق*والنـاس تولـف دحيقـه


جبت حقي وحق*لاجنب حقـي تحقق=بالقنـا والدرق*كـل خصـم نشفـت ريقـه


ماعرفت القلق*من كان به ضعف يقلق=وأنـت منّـي تلق*يالـي بغيـت الحقيقـة


ماتعسّروشق*عالنفس تابعـه وألحق=مـن تصبرسمق*وارسـى قواعـد عريقـة


الـــــــــمـــــــــشـــــــــجــــــــــري=


عذ برب الفلق*وارجع الى ربك الحق=ذي خلق من علق*واشكره في كل دقيقـه


هو وحده خلق*آدم وحواء وخلّق=ثـم ذرا مـا خلـق* وارسـل نبـي للخليقـه


وصفكم فيه حق* بين القبايل تفـرّق=عنـد كـل الفـرق* كليـن يمـدح فريقـه


من زمخ لاعتق* غرب صديقي وشرّق=جاب حقه وحق* شلـه بـلازا الحقيقـه


تــــعــــقــــيـــــب الــــمــــشــــجـــــري=


شفت بارق برق* وارعد وبعده تفرّق=مثل نور الشفق* خلـف الجبـال الشهيقـة


حاسب انه دفق* بالودق والسيل طرّق=لكن السيل دق* في الحيد واهتـف دقيقـة


عاد سده عرق* وجبال ما بتطرّق= قـل لمـن هوسمـق* يرجـع يـدور طريقـه


الــــــــــــجـــــــــــــوهـــــــــــــي=


بالقي لـي مـرق *ببحورهـم باتمرّق=والمحيـط الـزرق* ماشوفـه إلا مريقـة


كل شامخ برق *من بعد ماكان أبرق=بيتحـوّل ورق* مـن نفـث هجسـي بريقـه


من يهاب الغرق *يبعد ومن راد يغرق=بايـذوق الغـرق *ولحـاق بأمـة غريقـة


لاتمر في نفق* ياصاحبي خـاف تنفق=والمحـب لا نفـق *يوجـع محبـه نفيقـه


الــــــــــــمــــــــــــشــجــــــــــــري=


من غلق لا غلق* وش بايفك المغلّق=يارفيقـي تبـق* شـف ذه مهـاري غليقـه


لا تقع لي بشق* في ثوب بالي مشقق=فيه ستين شق* كل شق كبـر مـن شقيقـه


ما قريت العلق* والقارعه قبل تعلق=إن كل من صـدق* فالصـدق فيـه الوثيقـه


والذي ما صدق* بيكون دايم محرّق=عيشته في حـرق* والمـوت بعـده حريقـه


الــــــــــــجـــــــــــــوهـــــــــــــي=


طحت في المنزلق* ماليوم توّك تزلّق=ياتقي مـن زلـق *فـي المنزلـق بانذيقـة


من صديد العرق *بجعله يمغـط ويلغق=يجتـرع مالغق*والنـاس تسمـع لغيقـه


بايظل في الوهق *من في شراكي توهّق=وانت جيت الوهق *ودخلت في عمق ضيقه

مثل ناغـق نغـق*لما شبع قام ينغـق=جـاه سبع الحطق*وقضمـه واسكت نغيقه

الـــــــــمـــــــــشـــــــــجــــــــــري=


لو تحط الحلق* عالدار والا تحلّق= في السمـا بالحـق* باجيـب دقنـك حليقـه


الجمل لا انطلق* والقيـد حقـه تطلّق=بايشـف العـرق* ذي كانـت اول تعيقـه


هاجسي لا نطق* بايجيب لي خير منطق=من تعدى النطق* بجعله يشـرق بريقـه


من تمدح سحق* تحت السنابك تسحّق=يسحقونه سحق* والنـاس تنظـر سحيقـه


الــــــــــــجـــــــــــــوهـــــــــــــي=


لي تحمّل طبق*من فوق رأسه تطبّق=جابها فـي الطبـق *مـن شـل مالايطيقـه


انطهى واحترق* في نار حمراء تحرّق=من بغى ينحرق *يدخل يشـوف الحريقـة


قلت له مـن دهق*ياصاحبـي أوتدهق=بايجـي فـي رهـق *مابيتحمّـل رهيقـه


بايبيّت ينق *في قعر موحـل ينق نـق=مثـل ضفـدع ينق*كليـن يسمـع نقيقـه


الـــــمــــشــــجــــــــــــــــــــــــري=


هاجسي مانبلق* مايعود للي تبلّق=شي معك مـا انبلـق* لابـاس بالقـي عقيقـه


خل عنك الحنق* يالجيد لاعاد تحنق=لا دخلـك الحنـق* بايجـي براسـك شقيقـه


قول مني سبق* جبته تبا بالتسبّق=خيلكم في السبـق* خلـف الخيـول السبيقـه


شفوا هذا رفق* وانا بكم باترفّق=باسكنك الحـدق *فـي قصـر لـه كـم حديقـة


الــــــــــــجـــــــــــــوهـــــــــــــي=


مانربـي سرق*نابوحسـن لا تسرّق=عادتـي مـاسـرق*ولا تقـبّـل سريـقـة


منطقي متسق *زي عقد لؤلؤ منسّق=منتظـم عانسـق *واحـد توالـى نسيقـه


والمعالي عشق *والناس كليـن يعشق=بايـون مـن عشق*لمـا يلاقـي عشيقـه


بالحصى يرتشق*في شان خله ويرشق=بالمشوّك رشق*من شاف طيـف الرشيقـة


الـــــــــمـــــــــشـــــــــجــــــــــري=


مايهم من زعق* بالصوت خلوه يزعق=ما صدق من زعق* في الناس واكثر زعيقه


ذي يحل بالسلق* جانا بغى بيتسلّق=جاب فرشـه سلـق* وقـال انـا عالسليقـه


ليل جانا الغسق* وعيون بالدمع تغسق=مثل وبل الغسق* ذي حط بليلـه غسيقـه


بو حسن ما زهق* من هرج اصبح يزهق=والملل والزهق* ينثـر علينـا رحيقـه


الـــــــــــــــــــجـــــوهـــــــــــــــــي=

بوحسن ماانخنق* عادات له دوب يخنق=من تعب واختنق*يطلـب يخفـف خنيقـه


ضغط عالي صعق*بالقول والفعل يصعق=من قربـه انصعـق* لوماتعمـد صعيقـه


مانطق غير حق*ماشرب زجاجة معتّق=وانتشى واختلق* منطـق يجافـي حقيقـة


والـذي مااتفـق*مـعنا ولابايوافـق=منطـقـي مانطـق*مابانـلاقـي طريـقـة


تجمع المفترق*لي من جذوره مفرّق=فـرق بيـن النبق*وألمـاس يلمـع بريقـه

[الشاعري]

الله الله

محاورة من الوزن الثقيل .. لكن ياليت تعطينا نبذه عن هذا الفن .. ودنا ناخذ طاروق عليه ..


تحيااااااااااااااااااااتي ..

[الجوهي]

المشاركة الأصلية كتبت بواسطة الشاعري الله الله محاورة من الوزن الثقيل .. لكن ياليت تعطينا نبذه عن هذا الفن .. ودنا ناخذ طاروق عليه .. تحيااااااااااااااااااااتي ..

أشكرك أخي الشاعري على مرورك وتعليقك واهتمامك بهذا الفن الذي تتفرد به باديتنا قبيلة سيبان الحميرية على وجه التحديد والذي قل أن تجد له مثيل لدى القبائل العربية الأخرى ؛ ولك أن تبحث على اليوتيوب بسم زوامل قبيلة سيبان لتعرف عن زواملنا الكثير بارك الله فيك:http://www.youtube.com/watch?v=9XCkq4gSyFg أو القيام بزيارة منتدى سيبان على الرابط التالي:http://www.saiban.info/vb/ تقبل مني خالص الشكر والتقدير.

[صوت المشاعر]

[marq="4;right;3;scroll"] شكرا لمرورك على موضوعي وهذا شرف لي ووسام على صدري [/marq]

[صوت المشاعر]

[marq="4;right;3;scroll"] اسمح لي ابد غلط املاي[/marq]

[الجوهي]

أسعدني مروركم

[الجوهي]

للرفع