اخوي صقر بلي
احب اوجه لك سؤال واتمنى ان تجيب على سؤالي بكل سراحه عندما تتعب على هذي المواضيع لماذا لاتجيبها بكاملها لماذا لاتاتي بمالك وماعليك الحقيقه ليست عيب لك او عليك انت اتيت في قصيدة بلي ولم تاتي بها على حقيقتها ولم تاتي في قصيدة العنزي ولاتقول انك لم تعرفها انتم تعلمون بها مثل مانعلم في قصيدة بلي وتعلمون بالقصه مثل مانعلم بها ولاكن لو رويتوها على حقيقتها لصارت ضدكم وانتم لاترضيكم الحقيقه هل تبي تفتخر في ذبح الغدر حشى لله ليس لكم به فخر والفخر لرجل الذي يطارد اعداه وحده والقصائد معروفه عند بلي اهل الذمه والضمير والقصيده الاولى
لشاعر بلي ويقول
الله يايومً جرا بالقراشيع = بيمن عريده يم ذيك القواري
يومً به الاعمار جيبن للبيع= ودلل عليهن بين بايع وشاري
نبي الفوايد بالغنايم مطاميع = وجرا لنا دون المطاميع جاري
جانا الامير ويتبعونه قواطيع = وثار المشوك وختلف كل طاري
نركي لهم يوم الردي قال ماطيع = ونركي لهم والله علينا يداري
نلوفهم فوق المهار السلاويع = عقب الاهل ماهن شراوي تجاري
ولحقوا هل الملحا عليهن مفاريع= متحيزمينن بم خمس السواري
وعدنا وخلينا المدافع مكاويع = وصويبنا ينخا ونكبه جهاري
لاكن ذبحنا خيلهم بوسط الريع = وفرحان خلينا عظامه نثاري
والقصيده الثانيه لشاعر / محمد بن سليمان الولدعي
ياراكب الي كل ابوهن مرابيع = يزهن قراصين الرسن والعذاري
ان روحن مثل النعام المخاضيع = عليهن الي للمهمات ضاري
يشلكم فرحان شل الجرابيع = مثل القطامي يوم شل الحباري
وبختكم الي يضرب الدرب والريع = ويصبر على عيب العرب والمزاري
لو معكم الاشراف والجيش تجميع = ابن رفاده كبكم للمثاري
يوم سهجنه مرخيات الصاريع = بيدين اهلهن قاصفين العماري
كم واحداً عقب لعقله تخاريع = ولارد عقله عندكم كل قاري
وبن رفاده جاه بالعقل ترويع = من هول ماشاهد على الثوب خاري
ومن دمكم اصبح صفاها مداريع = وثمان ميه ذبحوا بالنهاري[]