منتديات عتيبه - نتايج العشق ............

[align=center]سداح [/align]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
العفو يـا معشـر العشـاق=
قلبي نفض عنـي اوهامـه

نتايج العشـق مـا تنطـاق=
والشـر خلفـه وقـدامـه

قلق وهم وسهـر وإرهـاق=
طابـع .. لياليـه وأيامـه

وقفة لقاء وإنكسـار فـراق=
دوّامـة ٍ وسـط دوّامــه

من يوم ما خربت الأخلاق=
قام الوهم يطـوي خيامـه

أقفيت عن مدمجات السـاق=
والرمش والخد ابو شامـه

مالي بهنّ لو يجـنّ أطبـاق=
قنعت .. والنفـس عزامـه

دايم سلوك الظنـون دقـاق=
ومن تبرمه تحكـم ابرامـه

واللي في غيبوبته ما فـاق=
بكره نفسّـر لـه أحلامـه

يا معترض لي وانا تـواق=
الحـب لا تركـز أعلامـه

القلب صايم علـى ميثـاق=
وأرجوك لا تجرح صيامـه

يلعب بيّ الشوق لين أشتاق=
ويمثّـل ويعـرض أفلامـه

الكافر .. المازح .. ال****************=
مدري متى يعلن إسلامـه ؟

أيـوّوه .. والآه بالطـقـاق=
والجرح واقف على أقدامه

والعاشق الصادق اليا ضاق=
وقّع على بصمـة إبهامـه

مانيب من يكشـف الأوراق=
حتى ولـو جفّـت أقلامـه

بديت في قمّـة الشوهـاق=
والشاعر ومصـدر إلهامـه

ولقيت في هامتـه مـا لاق=
وتوافقـن هامـه وهـامـه

محبة الغـش مـا تنسـاق=
ومن ساقها يربط حزامـه !

وجهة نظر وإختلاف أذواق=
وكل ٍ علـى همّـه هيامـه[/poem]