منتديات عتيبه - جابك الله من غياب ٍ ضيّـق صـدور

[size=5]جابك الله من غياب ٍ ضيّـق صـدور iiالمبانـي
قبل لا الوحشه تزعزع بيتك الصلـب iiوتبيـده

بيتك اللي من رحلـت وكـل جدرانـه iiتعانـي
ماتحمـل ينتظـر شهريـن وعيونـك بعيـده

الله العالـم لـو إنـك جيـت متأخـر iiثوانـي
ماتشوف إلا بقايا مـن حصـاه ومـن حديـده

من عرفتك وأنت تايه من مواني لـي موانـي
وتارك ٍ قلبي مولّع مـن وقيـده فـي iiوقيـده

ضاعـت سنينـي أحـد بهاليالـي وتحدانـي
وأنت ماتشبع غياب ولاتخـاف مـن iiالنقيـده

ودي أتحمـد لـك الله بالسلامـه , iiمامدانـي
كل ماتوصل برحلـه ترجـع برحلـه iiجديـده

دام تدري كل وجـه ٍ غيـر وجـه الله iiفانـي
ياخي أكسبلك ثواب وخاف ربـك فـي iiعبيـده

كان فيني عيـب قلي:فينـي العيـب الفلانـي
كان هرجي مزعلـك فـي شـي iiقلي:لاتعيـده

عيب تصغر في عيوني وأنت برقاب iiالغوانـي
كيف تستسهل طعوني وأنت خابرني وليـده ii؟

لعنبوك أن مت بيدك من يفكك مـن أخوانـي ؟
لحزنوا ربعي على فرقاي شاللـي تستفيـده ii؟

أنت منت اللي عشقته أنت أكيد انسـان iiثانـي
ليه صرت بهالبرود وبهالاحاسيـس البليـده ii؟

وين حبك للزعـل .ويـن العنـاد الأولانـي ii؟
وين حنّية زمـان وفرحـة العمـر الرغيـده ii؟

وين ذاك اللي اليا أقبـل مايبـات إلا بمأنـي ؟
وين راح اللي اليا أقفى مايـروح ألا فقيـده ii؟

واحد ٍ من جابـه الله بـس يامـر iiويعصانـي
الوحيد اللي أخافه غصب وأمشي معـه iiسيـده

(مابغيت أطيـح بيـده) ليـن ماربـي iiبلانـي
ولا أنا لو هي بكيفي (مابغيـت أطيـح iiبيـده)

ذاك بس اللـي يامـن جيتـه يلخبـط iiكيانـي
اللي بنظـره ينشـف دم قلبـي فـي iiوريـده

قبل أشوفه أجمع اله أحلى القصايد iiوالمعانـي
وأن لقيته ماعرفت أقـول لـي جملـه iiمفيـده

الف مره قبلـه أعـد القصيـده مـن iiلسانـي
ولعنبوه أن جيت عنده قمت أخربط iiبالقصيـده

أمدحه وأنا أدري أنـه لـو تباطانـي iiنسانـي
أنطحه وانا أعرفه مجنـون وأفكـاره iiعنيـده

من يسوي بي سواتك يالرهيـف الاسمرانـي ؟
منهو من الناس غيرك غلطته ترفع رصيـده ii؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ii؟

ان تبعتك .أتبعك من طيبـي وواسـع iiبطانـي
ولا أنا لاجيـت أكيـد انسـان عـزالله iiبكيـده

أقدر أنزع لك ثيابـي وألبـس ثيـاب iiالأنانـي
وأقدر أطلع من عذابي والعب بـدورك iiوأجيـده

ومستعد أكسب رهاني لو بغيت أكسب رهانـي
وأخدعك بحساس كاذب وأتحدى مـن iiيصيـده

أبك أنا لي شفت خلّي حط غيري فـي iiمكانـي
والله إني لتركه وأن صد لعشـق سيـد iiسيـده

جيت مابيك تحقرني جيت أبيـك تعـز iiشانـي
جيت أبي فزعة ظلوعك من مشاعـرك البليـده

خلني داخل (حدودك) وأجبـر بخاطـر زمانـي
أكذب بباقي (وعودك) وأصدق بلحظه iiسعيـده

أنتشلني من (بـرودك) لـو تولّـع iiبالمحانـي
عطني أحساس (بوجودك) وأخذ كل اللي iiتريـد

تكفى واليا قلت :تكفى بيع خلـق الله iiعشانـي
لاتضيّع من يدينـي فرصـة العمـر iiالوحيـده

يعلم الله شفت منـك ومـن غيابـك iiماكفانـي
كان ماتقـدر تخفـف هـم قلبـي !! iiلاتزيـده

شف غيابك وش يسوي بالصـدور iiوبالمبانـي
وأنت تدري كيف كانت صدمت غيابك iiشديـده

والله أنك لو وصلـت البيـت متأخـر iiثوانـي
مالقيت إلا بقايا مـن حصـاه ومـن iiحديـده

الشاعر حامد زيد[/size]