منتديات عتيبه - طعون الزمن

[color=#000000]فهد المفرج[/color]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياهيـه والفنـا الكـرى والمخـده=خلاص تبنا عن هـواك وسلينـا
اليـوم ودعنـا بحـور الـمـوده=لاصـار مـاودك تجـي لاتجينـا
من باعنـا بعنـاه باللـي يسـده=مانشتـري الا واحـد ٍ يشترينـا
ومن حدّنا جعـل الليالـي تحـده=نجفاه لـو انـه عزيـز ٍ علينـا
ان كان لك خـلّ ٍ تبيـه وتـوده=حنـا لنـا خـلّ ٍ نبيـه ويبيـنـا
وان كان خلّك ماخذ ٍ عنـك مـده=حنا غصين البـان يبكـي علينـا
وان كان خلّك مبعد ٍ عنـك جـده=حنا لطيـف الـروح منـا وفينـا
وان كان حبلك في يدينـك تشـده=حنا رمينـا حبالنـا مـن يدينـا
وان كان بابك عن هوانـا تـرده=حنـا قفلنـا ابوابنـا وانتهيـنـا
ياطير قـل لـه ماشقينـا بصـده=لايحسب انّا مـن صـدوده بكينـا
النفس طابت منه والقلـب ضـده=ماعاد ابي شوفـه يميـن ٍ يمينـا
ماابيه لو جاب البحر شرق جـده=ولو جرّ ضلع طويق مع طور سينا
والله لو يمسح على القـاع خـده=ولو قلّط الخيرات سمـن وسمينـا
ولوّه تأسّـف لـي وكفّـه يمـده=ويقول راضونـا ترانـا رضينـا
ماارضى عليه ولاعيونـي تلـده=حنـا ليـا منـا جفينـا جفيـنـا
خلّه يبيّـح جـور الايـام سـده=ويشكي من طعون الزمن ماشكينا
يامـا سكتنـا والغلـط مانـعـده=نسكت وكنـا ياالغضـي مادرينـا
وكم واحد ٍ غالي عشانـك نهـده=نزعـل عليـه وخابرينـه يبينـا
مافاد فيك وصبرنا وصـل حـده=رح فكّنـا واسـلـم ولاتبتليـنـا
قد قيل هرج ٍ تستحـي منـه بـده=بنقول لك هرج ٍ ولـو مااستحينـا
الكحـل كبّـه والشعـر لاتـكـده=حنا خذينـا اللـي نبـي وانتهينـا [/poem]