منتديات عتيبه - ربعي عتيبه خوال المصطفى الهادي

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ربعي عتيبه خوال المصطفى الهادي
اكبر فخر نحمله فـي كـل وجهتنـا
بحرِ امواجه تطم العـرق والـوادي
الغادي اللـي يبـي ياقـف بسكتنـا
روقه وبرقا لهم تاريخ مـن عـادي
قبيلـة والـدول تعـرف مكانتـنـا
ياجاهل في علوم الطيـب ياغـادي
انشد وتلقى مع اهل العرف سيرتنـا
سيره تفوح بعبير المسـك والكـادي
على البسيطه ظهـر للكـل بصمتنـا
قولِ صحيحِ ماهو تزييـف هربـادي
ماتثمر الا طلـوع الطيـب شجرتنـا
حنا هوازن لحوض المـوت ورادي
حقوقنـا دونهـا تبحـر سفينتـنـا
ماهمنـا كيـف والا كـم الاعـدادي
روس الافاعي تهاب تشوف جرتنـا
مانطلب من البشر فزعات وامـدادي
المـد مـن واحـدِ يعلـم سريرتنـا
وليا حصل فالامر مسرى ومهجـادي
بامر الولي تاصل الاهـداف غارتنـا
عن نجد زحنا القبايل غصب وعنادي
ماجتلنا كـود مـن قـوة عزيمتنـا
بقيادة الشيخ تركي ضـد الاضـدادي
صوت وحنا لصوت الشيخ صوتنـا
ان جات للطيب نبني صرح الامجادي
طيبِ اساسه بني من وقـت قادتنـا
ورثِ ورثناه من تاريـخ الاجـدادي
مكتوب في صفحة التاريـخ عزتنـا
نمشي على مشيهم مافيـه محيـادي
بالطيب سـاروا ولحقتهـم مسيرتنـا
خوينـا مـن وراه ودونـه نفـادي
واليا عطينا العهـد ماتبـور ذمتنـا
الضيف يقرى بعود ازرق وبـرادي
ودلال صفـرِ بهـا تلقيـم قهوتنـا
والحيل من بعدها زفـات وافـرادي
لها الصواني معـده حسـب عادتنـا
يسلى بنا اللي حصله ضيق وانكـادي
ولاتشتكي من سقيط الهـرج جارتنـا
نصونها من دناعـة كـل سرمـادي
ترفض يجيها هزيل القـول شيمتنـا
ماعمرنا للبشـر نخضـع وننقـادي
ماتنحنـي كـود للرحمـن هامتـنـا
افعالنـا نحمـد الله طيبهـا بــادي
وليا كوينـا يحـس الخصـم كيتنـا
دخيلنـا يهتنـي بالشـرب والـزادي
يامن بعون الولي في ضف نخوتنـا
سنه وشهريـن بالـه عندنـا هـادي
ميزه لنا عن قبايـل نجـد خصتنـا
من دون زودِ علـى قبايـل بـلادي
لاشك هـذى حقيقـه عـن قبيلتنـا
وصلاة ربي عـدد ماحـن رعـادي
على رسولِ بشـرع الديـن قدوتنـا [/poem]

[align=center][size=4]كلمات الشاعر / مشعل بن شباب الـشيباني

تحياتي للجميع [/size][/align]