ماتنفـعـك مـادمـت لله عـاصـي
 

يالعبد لـو تملـك ملاييـن iiبالبنـك
ماتنفـعـك مـادمـت لله عـاصـي


تدري وش اللي يجلب الضيق والضنك
إن كان ماتدري تراهـا iiالمعاصـي


وان كان تدري يافتى خلهـا iiعنـك
من قبل يوماً بـه تشيـب النواصـي


تـرى بـلاك وعلتـك كلهـا iiمنـك
مار إسأل المعبود منهـا iiالخلاصـي


وارجع قبل في باطن الأرض iiندفنـك
ماينفعـك لامـت دانـي iiوقاصـي


لاضامنـاً حيـاُ ولا حـي iiيضمنـك
ماللبشـر عـن مايقـدر iiمناصـي


واحذر تصير النار دارك iiومسكنـك
اللي حرارتهـا تذيـب iiالرصاصـي


وممشـاك مـع رجلاُعزيزاُيثمـنـك
ينفعك لاجا في السنيـن iiاختباصـي


يمشي قدر واجبك ماهـو iiبهاينـك
يكمل مطاليبك ليـا جيـت iiناصـي


يعجبك لاحطيت مثله علـى iiايمنـك
قرمـاُ يحـل المعضـلات العواصـي


واحذر تماشـي واحـداُ iiمايواطنـك
اليا بدالـك واجـبٍ عنـك iiحاصـي


وسلامتكم
لشاعر مشعل بن شباب العتيبي






الجوووري

قصيده رائعه وحكيمه وصح لسان الشاعر.

الاخت الجوري مشكور هالنقل الجيد.


الدجيما

تسلمين والله على القصيده في الموعظه

تحياتي لك

صح لسان شاعرها

والف لاهنتي يالجوري على هذا الإختيار الرائع

تحياتي لكِ

مشكوره يالجوري وصح السان شاعرها
تحياتي

مشكور الجوري وتسلمين

اختيار جميل


تحياتي