|
في سجدتي هانت علي المصايب
في سجدتي هانت علي المصايب
الله يا وقت الشقا ويـش سويـت حديتني لـلاش والـلاش خايـب حديتني وانا الـذي مـا ترجيـت غير العظيم اللي يسوق السحايب الواحد اللي عالمٍ كل ما اخفيـت اللي يغفْر ذنوب من جـاه تايـب متوكلٍ به خالقـي حافـظ البيـت ولاّ البشر تفنى شبـابٍ وشايـب يا وقت لو جارت لياليك ما انحيت راسي وانا خشمي يشم الهبايـب أشيل حملـي للثقيـلات شليـت وأقوم بحمولـي قيـام الركايـب وأعز نفسي والردي كنّه الميـت وش نفعته لا جا نهـار النشايـب يا كثر خلاّن الرخا كـان عديـت ما فيهم اللـي يرتكـي للنوايـب يا وقت يا وقت الشقا لو تماديـت مالي جدا غير الصبر والطلايـب قال المثل تاتي قصيدة ولو بيـت يا وقت أخذ البيت قبل النصايـب لا ضاقت الدنيا علي قمت صليت في سجدتي هانت علي المصايب |
صح الله لسانك يالواصل
والله لا يحدك على ما تكره تحيتي لك |
لا ضاقت الدنيا علي قمت صليت
في سجدتي هانت علي المصايب صح لسانك الواصل قصيده جميله تحياتي لك |
صح لسانك اخوووووووووووي
وتسلم يمينك على الابيات الررررائعه تحياتي |
صح السانك يالواصل قصيده رائعه
تحياتي |
يا وقت لو جارت لياليك ما انحيت
راسي وانا خشمي يشم الهبايـب صححححححح لسااااااااااااانك يالوااااااااااااااااااااصل هذا طبعك وحنا ربعك اخوك الوشاحي |
كالعاده يالواصل تغيب ثم تأتي بالعجيب
صح لسانك مليون ومايكفون والف لاهنت على هذه الجزله تحياتي لك |
صح لسانك اخوي الوصل
وبيض الله وجهك يا الغالي ينقل إلى قسم قصائد الاعضاء تحياتي لك ،،،،، |
لا ضاقت الدنيا علي قمت صليت
في سجدتي هانت علي المصايب لو كتبت هذا البيت لكفاك |
| جميع الأوقات بتوقيت GMT. الساعة الآن 08:53 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها