أبعدوهـــــــــــــــا عنـــــي
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابعـدوها عن عيوني قبل ماموت بسببهــا"="ماقدر أشوف الهنوف اللي مغربلني غلاهـــا

غربلت روحي تزايـد مع تغنجها عطبهـــا"="أتظاهر بالجلاده ليــن وصلـت منتهاهــــا

إنتهتبي في عيونٍ كل مايرمـش هدبهــــا"="ترتخي عينـي غصيبه لين أطالع في حشاهــا

ليـن اشوف اللبه اللي ماتفكك من نشبها"="ينعكس منها الشعاع ويعمي عيونـي سناهــا

القمرمنها وفيها كن يرجع له نسبهــــا"="الله أعلـم عن نسبها بس من لونـه عطـاهــا

وآه ياشطن المحاجر كنها تعلن غضبهـــا"="كنهـا تآمر وتنهـى من تنوشـه مـا عصـاها

لو تجمّع جيش الأمـه وإتحد لا ماغلبهـا"="لدةٍ وحـده ويرجـع يطلـب الله ثـم حمـاهــا

وغرةٍ لو مالجديلـه بعض مرات إتحجبهــا"="كـان قلت الله يبيحـه قلبي اللي في رجاهـا

وكيف اوصفهـا شفاياً كل ماهجسي قربهــا"="تبعده عنها الحراره ليـن مايلحق مداهــا

جمرةٍ تشكي لجمـره مـا يكفيهـا لهبهــا"="كل جمره قبل الأخرى ودها يغلب لظـاهـــا

كيف ماموت بسببهـا والله المعطـي وهبهـا"="كل معنى من جمالـه صانهـا وأكمل حلاهـــا

لين صار الزيـن منها والحلى عوّد لقبها"="لقبوها بالمليكه تنفـرد عما سواهـا

إنشدوهـا عن عذابـي وإنشدوها وش طلبها"="كانهـا تبغـى حياتـي قلت ماتطلب فداهــا

وإنشدوا قلبٍ عشقهـا وإنشدوا حظٍ جلبهـا"="ليـه يخفـون الحقيقـه لين صوبنـي هواهـا

قصتـي ياهل المحبه من قراهـا من كتبها"="من كتبهـا لايذكّـر لانساهـا اللي قراهـــا[/poem]

صح السانك يافهد قصيده رائعه جدا
تحياتي

حياك ابن ثعلي

اسعدت اخوك بتواجدك

شكرا لك

[color=#CC33CC][size=4]صح لسانك فهد على ها الابيات الرائعة والمعاني الجميلة[/size][/color]

هلا ببنت عتيبه

حياك

نورتي القصيده بطلتك طال عمرك

فشكرا لك

لاهنتي

قصيده رائعه اخوووووووووووي
تسلم يمينك ونشوف جديدك قريب
تحياتي

[align=center][color=#000000][size=5]صح لسانك ولاهنت

متابـــــــــــــــــــــــــــــــــع ,,






دمت كما تحب[/size][/color][/align]

ابعدوها عن عيوني قبل ماموت بسببهـا"
"ماقدر أشوف الهنوف اللي مغربلني غلاها




صح لسانك اخوي


ابدعت يالغالي



اشكرك


اختك


الجوووري

صح لسانك اخوي فهد بن فهم



وبيض الله وجهك يا الغالي


معليش تراني عدلت في توقيعك


ومن شروط المنتدى ممنوع وضع روابط لمواقع اخرى


تحياتي لك ،،،،،،

قصتي ياهل المحبه من قراها من كتبهـا"
"من كتبها لايذكّر لانساهـا اللـي قراهـا

هذا بيت القصيده يابن فهم

والقصيده رائعه من انسان رائع