منتديات عتيبه - قصيدة رثاء في الشيح حنس بن طريخم بن معوض ابن شدة

[SIZE=6] [/SIZE]
[CENTER][SIZE=5][COLOR=darkred]بسم الله الرحمن الرحيم

أعزائي وأخواني السلام عليكم ورحمة الله وبركاته،يشرفني أن أنقل لكم هذه القصيدة المرثية للشاعر : خالد بن حنس ابن شدة التي قالها في والده [/COLOR][/SIZE][URL="http://www.mrshdy.com/vb/tags.php?tag=%C7%E1%D4%ED%CE"][URL="http://www.mrshdy.com/vb/tags.php?tag=الشيخ"][SIZE=5][COLOR=darkred]الشيخ [/COLOR][/SIZE][/URL][/URL][SIZE=5][COLOR=darkred]حنس بن [/COLOR][/SIZE][URL="http://www.mrshdy.com/vb/tags.php?tag=%D8%D1%ED%CE%E3"][SIZE=5][COLOR=darkred]طريخم [/COLOR][/SIZE][/URL][SIZE=5][COLOR=darkred] بن معوض ابن شدة الذي وافته المنية يوم الخميس الموافق : 13/5/1433 رحمه الله و اسكنه فسيح جناته ,,,,

لا عادت يا علم(ن) لفاني مسيان ***** هز الخفوق و حولت دمعة العين
اركى على قلبي من الحزن نيشان ***** علم(ن) يزلزل راسيات الضلاعين
يوم الخميس ومحجر العين غرقان ***** تبكي من اللوعة و فرقا المحبين
تبكي على شيخ(ن) ورث عز شيخان ***** شريف قوم ومن سلايل شريفين
يبكيه تالي الليل مسجد و قرآن ***** لاطاب نوم اللي عن الذكر غافين
و يبكيه محرابه و يبكيه الاذان ***** و جموع ناس(ن) لاستقاموا مصلين
و تبكيه ركعات الضحى كل مابان ***** وجه النهار و معظم الناس لاهين
ألا و يبكونه شباب(ن) و شيبان ***** لا عقدت سود الليال الحجاجين
زبن المخيف اللي مشتت و حيران ***** لا ضاقت بعينه وساع الميادين
يزبن بعد ربه على طير حوران ***** يشهر معه و يورده مارد(ن) زين
يقضي لزومه كن ماكاين(ن) كان ***** يرجي جزاها يوم نصب الموازين
تبقى مواقيفه على مر الازمان ***** طيب(ن) مع الاجناب و ايضا الموالين
يارب تجعل له عن النار مزبان ***** ياللي بتوفيقك قبضته على الدين
نرجوك تكتب له من الذنب غفران ***** و تجزاه عليين بين النبيين
و تلهم محبينه ثبات(ن) و سلوان ***** بفراق من هو حال من دونه البين
فرقا ماهي فرقا مواليف وأقران ***** و لاهي بفرقا حين و يشاف بعدين
فرقا النعش و القبر يابيض الاكفان ***** و فرقا المقابر يادموع المعزين
و انا احمد الله عد همال الأمزان ***** على القسى و العسر و اليسر و اللين
و صلوا عدد ماغاب نجمٍ و مابان ***** على نبيٍ بين الحق تبيين
[/COLOR][/SIZE][/CENTER]