## قصيدة حويته ##
 

هذه القصيدة قلتها منذ سنوات عندماتم تعييني معلماً في مدرسة حويته وكنت وقتها متذمراً من بعد المسافة التي اقطعها يومياً للوصول الى المدرسةولا يقصد بهاأهل حويته الكرام .....

[poem=font="Simplified Arabic,4,darkblue,normal,normal" bkcolor="transparent" bkimage="backgrounds/4.gif" border="none,4,gray" type=0 line=0 align=center use=ex num="0,black"]

ول ياحظ(ن) رماني في حويته = يوم بعض الناس حظه عند بابه
لو يباع الحظ بالسوق اشتريته = حالف(ن) لاشريه لو زاد الغلا به
العرب كل(ن) دوامه عند بيته = وفيهم اللي بس وقفه وانقلابه
وانت ياحظي علاجك مالقيته = مخلف(ن) درب(ن) معه غيرك مشابه
ان تعرض لك سنود(ن) مارقيته = والسهل يتعبك لاعمد سرابه
لو يفيد بك الكوي عرقك كويته = فكني ماعاد في حلقي طلابه
البحر والبر كله قد مشيته = وفي ظلام الليل خاويت الذيابه
والخوي.... لامني نخيته = الخطر ياطاه قرم(ن) مايهابه[/poem]وسلامتكم

مشاركه
 

صح لسانك اخوي انا عتيبي وافتخر وتسلم يمناك لاهنت


احترااااامي

صح السانك ياانا عتيبي وانشاء الله يقوم حظك
تحياتي

اختي نوف .......... اخوي بن ثعلى شكراً على المرور ودمتم سالمين

صح لسانك ياعتيبي

والف لاهنت على هذه القصيده الطيبه

الله يكون في عونك ويحقق لك ما تبي

صح لسانك يا عتيبي
والله يعطيك العافيه

صح لسانك


جزله من راس جزل

تقبل تحياتي

صح لسانك اخوي

وبيض الله وجهك يا الغالي



تحياتي لك ،،،،،

صح لسانك ياعتيبي مافي الا العتبان يرفون يلقون الشعر