ياقلب
 

ياقلب وش علمك تردى عزايمك
خل الصبر مفتاح همك وبلواك

دام الفقر عشرين عام ملازمك
صعب تبيه اليوم يرحل وينساك

والمال لو جهز جيوشه وهاجمك
عمره قصير عند مثلك وشرواك

إن زاد كثرت بالجماعه عزايمك
كل يقول اليوم عندي وحياك

وبخيتهم يزهمك باسم معظمك
خلاك شيخ وانت لا ذا ولا ذاك

وإن قل قالوا ول قلت رحايمك
لا رحم أبو من جيت يمه وناداك

وإن مالت الايام وكبرت عظايمك
كل يسبك بالبطاله ويشناك

ماهمهم لا شك ودي أفهمك
مبغاك تبقى طول عمرك بعمياك

اجزم واحزم للشدايد محازمك
لليوم عش يومك وريح بممساك

وان شفت من يزبر ببشته ويدحمك
قله تركد لا تغرك رعــــايـــاك


وسلامتكم


المعذره ماعرف شاعرها

مشاركه
 

مشكور اخوي خالد لاعدمنا هذا الذوق الرائع وتسلم يمينك


احتراااامي

تسلمين اختي نوف على مرورك



تقبلي خالص تحياتي

الاخ خالد شكلي بسنتر على
النت من اجل كتاباتك هههه

مشكور ياخالد على ايراد هذه القصيده وياليتك عرفت قائلها
تحياتي

مشكور اخوي خالد


على هذا الاختيار


تحياتي لك ،،،،،

فورد تسلم خوي على مرورك

بن ثعلي الله يعطيك العافيه على المرور
اما بخصوص شاعرها ماني متأكد من اسمه
بس اللي اعرفه انه رويلي (عنزي)


النايف الله يسلمك على المرور

تقبلو تحياتي