العيد عيد الله
 

ياعلي خل العيد لام الدناديش
اللي تنظف كل يوم جسدها
تبغى تماري ناقضات العكاريش
في كل ملفاح تنقض جعدها
العيد عيد الله لو فات حتى ايش
من حسبت ايام يمرك عددها
نبغى نعلمك المساري على الجيش
تمشي ذلولك حتى يفتر جهدها
خابرك منت ضاري للمطاريش
نبيك تونس حلوها من نكدها
ياعلي لا جيت العرب لا تجي ديش
خبل اليا جاب السوالف سردها
احفظ لسانك لا يجي فيه تبطيش
تصبح عيونك كايدات رمدها

القصيده اطول من كذا بس هذا اللي انا حافظه
واسمحولي على التقصير
اخوكم الصغير خالد


القصيده/ لصقر النصافي

يعطيك العافيه ياخالد

والف لاهنت على النقل ولإختيار الموفق

الله يعافيك اخوي الغريب
وماقصرت على مرورك

لاهنت على النقل ياخالد

مشكور ياخالد على حسن الاختيار
تحياتي

الله يعطيكم العافيه على مروركم
اخوكم الصغير خالد