., انتفاضة الأبجديّة ,’ يالليالي السرمديّة .,
 

[right][font=traditional arabic][size=5][color=blue]اللهم صلي وسلم وباركـ، على نبينا محمد وعلى آله وصحبه أجمعين ., [/color][/size][/font]
[font=traditional arabic][size=5][color=blue]أتمنى أن تنال استحسانكم .,[/color][/size][/font] [/right]



[poem=font="traditional arabic,6,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
ألفٍ" أولف من خيالي قصيدة = نبعي من المعنى رسمها جديدة
من زحمة أفكاري أسوق الفريدة = حي القصيد اللي به القاف نبراس
والباء" بعد ماشفت نظم المغاشيم = أحدٍ رسب وأحدٍ نجح بالمناظيم
واللي نجح منهم نجح بالبراشيم = يالساحة الشعبية الوضع محتاس
والتاء" تحسب إنك عقاب العواجي = ياللي مع العقال شفتك تناجي
لو كان عقلك صار فيه ارتجاجي = الله موسع نجد وديان وأطعاس
والثاء" ثلاث آيات هذي شعاره = قلبه مريض وزاده الله مراره
والحر دايم يكتفي بالإشاره = الله يعز الدين ويذل الانجاس
والجيم" جهزت المهند تحدي = للي يجيب الهرج واللي يودي
هذاك ماهو للوازم يسدي = ماكل رجلٍ يلبس الدرع فرّاس
والحاء" حصرت اليوم بعض المواضيع = أبرز مواضيعي ترى القدس للبيع
وين القروم اللي تشيل المداريع = قادة وحكامٍ للإسلام حرّاس
والخاء" خسارة ماحصل في فلسطين = من انتهاك العرض وقتل المصلين
يالله ذل الغاصبين الشياطين = واحجز لهم في داخل النار مجلاس
والدال" داج الهم بين الضلوعي = وأمسيت ليلتها على راس كوعي
في داخلي ونات تصنج سموعي = حتى غدى ليلي كما ليل ضرّاس
والذال" ذاك اللي سكن داخل الروح = اللي غرامه بين الأضلاع مطروح
من غاب حالي ياملأ حال مجروح = أصبح على هوجاس وأمسي بهوجاس
والراء" رسيت ولكن انهد حيلي = وأصبح نهاري مظلمٍ مثل ليلي
لو كان فعل الدهر نقص حصيلي = والله ما اخضع لين أعديه الأقواس
والزاي" زان غناي مع ساجع الورق = اللي ليامن ابتسم ناض لي برق
مادام تو الشمس تشرق من الشرق = والله ما انسى حب مدقوق الألعاس
والسين" سلمت الغلا يالغواني = للي تثنى كنها الخيزراني
حفظتها بين الضلوع المحاني = وفي وسط قلبي حبها ماله قياس
والشين" شبت في ضلوعي حريقة = واقفت وقلبي تل مليون ضيقه
واتحمل الخفاق مالا يطيقه = عزي لقلبٍ صار بالهم غطاس
والصاد" صعبه تطلب إني أراعيك = خيبت ظني وضاع كل الرجا فيك
لا لا تقول إني أحبك وأغليك = ما أقتنع في حب مافيه احساس
والضاد" ضاقت بي من السيف للسيف = من حبها مطعون بالشلف والشيف
لكنها مرت مثل سانع الطيف = ونسيت حبٍ يجلب الجرح والباس
والطاء" طلبت الله جزيل العطايا = الخالق المعبود رب البرايا
إنه يوجهني لدرب الهدايا = ويصون قلبي من وساويس خناس
والظاد" ظالم يازمن صدق ظالم = مهما نصفت سعود وهقت سالم
لو كان غدرك يردعه رجل عالم = ماكان مات كليب من غدر جساس
والعين" عادك تشبه الطير حوران = بالفعل كنك سله السيف شامان
وبالشعر كنك يارجل ابن جدلان = خوة عزيز القوم تغني عن الناس
والغين" غالي عند صاحبك غالي = وأقرب عليه من الرفيق الموالي
اللي على المرقاب ماكره عالي = اليا انتهض يكفخ كما طير قرناس
والفاء" فلا يمكن أسامحك ياعم = لو التشابة بالأسامي وبالدم
ضاع الوفا والصدق واسقيتني سم = فعلك ترى ياعم مافيه نوماس
والقاف" قالوا ياحمد : وش على الذيب = شامخ وكنه فوق روس الشخانيب
اللي يجيب الطيب نجزاه بالطيب = ومادونها بالعرف مايرفع الراس
والكاف" كلٍ يعلم الله خوافيه = من هامة الخفاق لا اقصى عراويه
أقولها والصدر ينضح بما فيه = ( الله خلق خلقه على عدة اجناس )
واللام" لو مالت جبال السراوات = بقضب شدادي وارتخي للصعيبات
ماهوب والله كبر وتعظيم للذات = مير اتحاشى هرج مبغض وهلاس
والميم" مادامي على راس مشراف = ماهمني اللي زيف الهرج تزياف
دامي عتيبي لي مع الطيب ميقاف = أشوم وأترك كل خايب وبلاس
والنون" نبغى اللي يقدر خويّه = اللي يعرف الصايبّة والخطيّة
وافي وله عندي ترى قابليّه = دامه لثوب الطيب والعز لبّاس
والهاء" هلا به واشعل الطيب لجله = أبمدح الطيب مدامه هلٍ له
واللاش لا ليبه ولا حاسب له = ماله مع اهل الطيبه والفخر ساس
والواو" ولفت المعاني الجزيلة = للي يبي يطرب لها وتعني له
ومن رام للجزلات عاف الهزيلة = حي القصيد اللي كما لمعة الماس
والياء" ياربي اغفر لكل مسلّم = لبى وكبر لك وصلى وسلّم
وصلوا على محمد خير المعلّم = المصطفى المبعوث رحمه على الناس
[/poem]

الله اما صلي على سيدنا محمد وسلم

صح لسانك ياعبدالرحمن

اللفيه رائعه اجد في صياغتها لله درك

تقبل اطيب تحيه

[size=5][color=red]تبارك الرحمن [/color][/size]
[size=5][color=red][/color][/size]
[size=5][color=red]الفيه جزله [/color][/size]
[size=5][color=red][/color][/size]
[size=5][color=red]صح لسانك[/color][/size]

لا اله الا الله

صح لساانك مدد

صح لسانك

ياعبدالرحمن


واللهم صلي على محمد


راااائعه رااائعه

لاهنت

تقبل مروري

[center][size=5][color=darkred]الاخ عبدالرحمن الفية ساحره [/color][/size]
[size=5][color=darkred][/color][/size]
[size=5][color=darkred]صح لسانك ولاهنت على هاالابيات ابداع يتلوه ابداع [/color][/size]
[size=5][color=darkred][/color][/size]
[size=5][color=darkred]نظمت قصيدتك ماشاء الله عليك باسلوب سهل ممتنع [/color][/size]
[size=5][color=darkred][/color][/size]
[size=5][color=darkred]يطيب لي ان ابصم باصابعي العشره بجمال هذه الابيات[/color][/size]
[size=5][color=darkred][/color][/size]
[size=5][color=darkred]ننتظر مشاركتك الشعريه الرائعه[/color][/size][/center]

[quote=فهيد مقعد الرويس;1017248]الله اما صلي على سيدنا محمد وسلم

صح لسانك ياعبدالرحمن

اللفيه رائعه اجد في صياغتها لله درك

تقبل اطيب تحيه[/quote]

[font=traditional arabic][size=5][color=black],[/color][/size][/font]
[font=traditional arabic][size=5][color=black].[/color][/size][/font]
[font=traditional arabic][size=5][color=black][/color][/size][/font]
[font=traditional arabic][size=5][color=black]الشاعر القدير : فهيد بن مقعد الرويس .,’[/color][/size][/font]
[font=traditional arabic][size=5][color=black]شكرا لك على مرورك العذب, تقبل مني خالص الشكر والتقدير ..[/color][/size][/font]
[font=traditional arabic][size=5][color=black]احترامي ~[/color][/size][/font]
[font=traditional arabic][size=5][color=black][/color][/size][/font]
[font=traditional arabic][size=5][color=black],[/color][/size][/font]
[font=traditional arabic][size=5][color=black].[/color][/size][/font]

قصيدة رائعه

صح لسانك وبيض الله وجهك