هرج الوشاويــــــش
 

[size=5]أتمنى أن تنال على أستحسانكم ويسعدني مروركم على النص والتقييم ...[/size]





[poem=font=",6,purple,normal,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الفكر جاله من سبايبك تشويش=والعين كل ماغاب زولك خرشها
أرفق علي ياداعج العين بشويش=يلي معاليقي وجودك نعشها
ماهمني غيرك وحتى ولو ويش=يلي عيوني شوف عينك وحشها
أشري وجودك لو تكلفة حتيش=مادام نفسي في وجودك روشها
يادانة(ن) ماحصلوها الطواويش=تفدى محياك العذارى وخششها
يلي غلاك مسيطر(ن) بالخراطيش=حتى وصوفك في خيالي نقشها
ترى الوصل ما يجتمع معه تطنيش=ونبض المحبه ما يعيش بطنشها
جزى الوصل رده جفى يعتبر طيش=يامضمي(ن) كبدي وزايد عطشها
أتعبتني من زود مرسل مطاريش=يامتعب(ن) نفسي وسبة بلشها
أدمح لك الزله ولا قلت لك ليش=يلي معاليقي صدودك دغشها
أقرب ولا توحي لهرج الوشاويش=لا تتبع العاذل بطرقه طرشها
أن كان ودك الغلا بيننا يعيش=لاتكبر العله ويكثر شوشها
[/poem]




[i][size=5] وسلامتكــــــــــــــــــــم[/size][/i]

نواف

صح لسانك

قصيدة رائعه

نتمنى أن لاتبخل علينا بالجديد

سالم وغانم يا نواف


صح لسانك


قصيدة جميلة على قافية جميلة


( أن كان ودك الغـلا بيننـا يعيـش) الشطر هذا ما مشى معي تأكد منه


تحياتي


,

يمكن ان كان ودك بالغلا بيننا يعيش :)


< - - عاش مصرف


لاهنت يا نواف


صح لسسسآنك مليون ولا يكفون

ونبي الجديد الجديد


ولله درك


:)

صح لسانك يانواف على هالقصيدة

وهالشطر بعد مامشى معي

[color=#ff0000]تفدى محياك العـذارى وخششهـا[/color]

شفت فيه ثقل ويمكن انك تأيدني


وانت مبدع يانواف وعطنا زود من هذي ومثلها

[size=5][i]أخوي أبن مسلم صح الله بدنك ولاهنت وبيض الله وجهك ..
أسعدني هذا التواجد ..[/i][/size]

[size=5][i]أخوي عادل العصيمي صح الله بدنك وبيض الله وجهك .. وأسعدني تعليقك وبخصوص الملاحظه خطأ مطبعي ونسيت حرف الباء
أن كان ودك بالغلا بيننا يعيش
ولاهنت على الاهتمام والتعليق أسعدني تواجدك ..[/i][/size]

[i][size=5]أخوي نايف صح الله بدنك وبيض الله وجهك على المرور والتعليق
أسعدني تواجدك[/size][/i]

[i][size=5]أخوي شيخ الشيوخ صح الله بدنك ولا هنت ... وأقدر ملاحظتك ولكن أختلف معك الشطر لايوجد به ثقل ...
أسعدني مرورك ..[/size][/i]