اهداء الى عبدالعزيز بن صنات بن بديد العضياني
 

[center][size=4][color=blue]الأستاذ عبدالعزيز بن صنات بن بديد العضياني رجل عرف عنه الشفاعة الحسنة والفزعة التي تعين على الحق وله بصمات واضحه في اسداء الجميل للشباب ابتداءاً من النصح والتوجيه ومد يد العون والمساعدة في طلبات الشباب من ناحية التوظيف والنقل والتسجيل بالجامعات وغير ذلك من الشفاعة الحسنه التي أمرنا بها ديننا الحنيف [/color][/size]
[size=4][color=blue]وهذه قريحة أحد أبناء الروقة التي فاضت نحو أبو أحمد حيث عنز على الله ثم عليه وأبو أحمد كفو وقد لهذا المسؤليه[/color][/size] [/center]



[poem=font=",5,darkblue,normal,normal" bkcolor="transparent" bkimage="" border="double,4,blue" type=0 line=0 align=center use=ex num="0,black""]

ليا ضاق صدري من تصاريف الأيام = وأيقنت مالي بالمقادير حيله
فزيت من داري على خف الأقدام = متنحر(ن) بالهم راس الطويله
وليا أعتلا راسي لو الراس منظام = غنيت من مابي بيوتن جزيله
وارسلتها للي على الطيب مقدام = اللي ليا شان الزمن يرتكي له
زحل الزحول اللي على الطيب عزام = كم واحدن وقت الشدايد يجيله
ومن جاه والله ماهي هروج وأعلام = يقضي لزومه لوبغى المستحيله
وكم واحدن يرسم له أحلام وأحلام = وليا وصل له طاب يومه وليله
يحرم عليه حرم ما أعظ الأبهام = وعبدالعزيز القرم بين القبيله
يا أبو احمد من العام واللي ورى العام = قدمت لكن ما حصلي حصيله
واليوم أنا جيتك ولا نيب منلام = أشكي عليك الحال ظيمه وميله
وأن كان حظي يا أبيض الوجه ما قام = دورت في دنياي حظن بديله
وأن ما أنكتب رزقي على يدين ضرغام = شراوك ياراع الفعول الجميله
فقري غناتي والعقيدة بالاسلام =وعزيت نفسي عن دروب الرذيله
والطيب ماهو سلعت(ن) عند سوام = ولاكل من رام المراجل تجيله
والله قسم لك قسم من خير الأقسام = الطيب طبعك واليمين الطويله


[/poem]


[center][size=5][color=black]الشاعر / عبدالله بن شاهر بن شنيف الدلبحي العتيبي[/color][/size][/center]

[color=#cc0000][color=#000099][size=3][align=center]صح لسان الدلبحي فيما قال والممدوح يستاهل المدح
وهاذي فعول الطيبين مثله وشرواه

مشكور يالقوبع على ايراد هالقصيده الجميله[/align][/size][/color][/color]

[size=4]صح لسان شاعرها
وتسلم يمين ناقلها
تحياتي [/size]

[align=center]صح لسان

شاعرها

ولاهنت على النقل

يالقوبع

تحيتي وتقديري[/align]

صح لسانك

وبيض الله وجه الشاعر


وعسى الطيب من ربعنا

[size=6][font=arial]صح لسانه ينطيك العافيه خيو [/font][/size]

صح لسانك يالدلبحي


وعز الله انك عنزت على جبل ان قاله الله


عبدالعزيز بن صنات رجل عصامي عرفته عن قرب عندما كان يزور والدته في عفيف والتي كانت تجاورنا ... كل خميس وجمعة وكان انذاك طالب في الجامعة ..فنعم الرجل كان رجل ذو خلق ودين منذ صباه

حفظه الله لوالدته ولاهله ولجماعته ..ورحم الله عمه الشيخ مزحم

[size=6]بيض الله وجهك يالدلبحي[/size]
[size=6][/size]
[size=6]عز الله من قبيلة تشعر ومن عائلة كلهم شعار[/size]
[size=6][/size]
[size=6]جدك شنيف (الله يرحمه) شاعر الدلابحه الأول[/size]
[size=6]وعمك فرج شاعر[/size]
[size=6]وعمك عايض شاعر[/size]
[size=6]وأنت ماقصرت أبيات جزله وشعرك قوي[/size]
[size=6]أتمنى الممدوح يكون على قدر ما قيل عنه[/size]
[size=6]الجميع يمدحه وأن ما أعرفه[/size]
[size=6][/size]
[size=6]عموماً بيض الله وجهك يابن شنيف على هالقصيده الأكثر من رائعه[/size]
[size=6]وياليت ما تبخل علينا بجديدك[/size]

يعطيك الف عافيه على النقل