قصيدة الشاعر/ رويفع بن دبسي في عمه عبدالهادي بن رزيق
 

ياراكب(ن) هجن مصاليح واخفاف & حيل عليهن من شحمهن خفايف
وارقابهن مثل العراجين وانحاف & واخفافهن قطم(ن) صغار نحايف
لا روحن باقبالت الليل خطاف & مثل الظليم اللي على البعد شايف
ينصن ابوهادي مهازيل واعجاف & ومن التعب ما يرمحن السفايف
واليا لفنه ريحن والتعب طاف & هلا ورحب بالقلوب الولايف
نادا على سلطان وارسل لعساف & وقال العشا يامشبعين الحفايف
وقدم عشاكم داير اشكال واصناف & حيل(ن) شحمها من فياض(ن) عطايف
مع دلة صفرا غذاها من الكاف & وطيب(ن) يقدم للمناعير كايف
قولوا وراك ابطيت ماعاد تنشاف & عفت الوطن يامزبن كل خايف
ماتدري ان القلب مولع وميلاف & قلبي وقلبك ياعزيزي ولايف
والناس في الدنيا غزوات وإنكاف & بدون الزياره ماعليها حسايف
ياشوق من قرنه تحدر للارداف & يشبه هماليل المطر في المصايف
ابو ثمان كلهن بيض اورهاف & سبحان من سوى الثمان الرهايف
واسلم وسلم عد ماطاف طواف & وعد الحجر بجبال سلمى النوايف


الـــشـــاعـــر/[font=times new roman]رويفع بن دبسي الثِقِفِي الشيباني [/font]