دعــث النــوازي
 

[IMG]http://up4.m5zn.com/9bjndthcm6y53q1w0kvpz47xgs82rf/2010/1/15/12/jc37ee0dy.jpg[/IMG]



[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياماحلا تقليط صفر المباهير= في خايعٍ شوفك سرح في رحابه

دعث النوازي مخفيات المخامير=تغنيك عن جرد الفجاج وصلابه

وذودٍ الياغنى المغني طوابير=كفيخ صيدٍ يوم طق الغرابه

صفرن كما دلم المزون المزابير= صوت الرعد يزجر عليها وجابه

لاروحت كنه سرايا المغاوير=اللي عماره يجلبونه جلابه

لاهوبل الراعي تتالى مقاطير=مثل القطار اللي تبع من سرابه

رثمٍ خراطيمه تدلي قواطير= كنه مسابيح العجم بالطلابه

جمالهن كنه جمال الغنادير=اللي يقلدن الغتر والعصابه

واليا لفى الرواد معه التباشير=يذكر من الوسمي تقل نبت غابه

ماطبته كود القطا والعصافير=من بعدها راع الغنم ماوطابه

نبته سمك يومي بكل النوواوير=روادها من طول نبته غدابه

الصبح زاعن والتوالي مصاغير=تناهبو بعض الحوايج نهابه

يطون بعيد الدار طي الحوادير= لاطالة الفرجه وطرّف زهابه

جلٍ تطارد مع خطات المحادير= قامت تكاهز مثل جلد السحابه

قدامها يبنى المسوبع كما النير=حيدٍ يهاوزن الرمك في طنابه

في ربعته ريف العرب والخطاطير=شيخٍ يفتّل للمهابه شنابه

ماكنه الا عنتر الخيل والزير=اخذ من الضرغام شكل ومهابه

يمه تعكى فوق عكف البواكير= مدهال شكلين العرب والقرابه

على هواءالشقحاء يسوق الدنانير=يومه يروح مفرعٍ مادرابه

همه الياهوبل وصارن دعاثير= كن احتياطي البلد في حسابه

ساس الشريف ومصقر العز وامير=تزبن عليه بشدتك وتهقابه

[/poem]

صح السانك يامتعب بن طواله ولاهنت على اتحافنا بهذه القصيدة الرائعه
وتحياتي لك

صح لسانك يالبناخي ولاهنت على هالقصيدة الاكثرمن رائعة
ابداع وفن وحكم وتماثيل صعبة على الشعار بنقلها في صورة مثل كذا
تحياتي لك ولابداعك الجميل

صح لسانكـ يابن طواله وبيض الله وجهكـ

ودي لشخصكـ الكريم

[color="purple"][i]الله الله عليك يابن طواله كتبت فأجدت صح لسانك ولاهنت ... تقبل مروري ,,,[/i][/color]

[size="5"][color="darkslategray"]
يامــاحلا تقليـط صفــر المباهيـر ** في خايعٍ شوفك سرح في رحــابـه
دعث النوازي مخفيات المخاميـر ** تغنيك عن جرد الفجــاج وصـلابـه



في ربعته ريف العرب والخطاطير ** شيـــخٍ يفتّـل للمهـــابـه شنـابه
ماكـنه الا عنتـر الخيـــل والزيـــر ** اخذ من الضرغام شكل ومهابه

صح لســـــــــــــــــانك وعلاااا شانك
يامتعب [/color][/size]

[font=arial][size=4]أبداع وتميز صح لسانك يا

[color=red]بن طواله[/color][/size]

[size=4]شكراً لكـ[/size]

[size=4]تحياتي[/size] [/font]

صح لسسسآنك يابن طواله

ابيات لن يأتي بها الا شاعر متمكن مثلك


احترامي وتقديري

صح لسانك

وعتلاشانك

يامتعب

تقبل اطيب تحيه

متعب طواله

صح لسانك وعلى شانك

نص فاااخر

تحيتي