منتديات عتيبه - ( ياعســـــــــاي فــــداه ) للدانه...

[font="century gothic"][size="6"][center][i][b][frame="3 80"]( ياعســــاي فـــداه)

* يافديت اللي إلآ أحتجته لقيته
صاحبي لوأطلبه روحه عطاني

* جعل ولد اللآش فدوه له فديته
جعل يومي قبل يومه لانواني

* أشهدأنه ساكن"ن"والقلب بيته
منزله قاصي الحشى بين المحاني

* والله أنه لوطلب روحي عطيته
ليه معطي غالي"ن"شربه رواني

* بعت كل الناس ووصاله شريته
وأن شريته هو قبل لأشري شراني

* أستبيح رضاه والباقي عصيته
مالك"ن"قلبي وبالحب أحتواني

* ياكثرمانا من أحساسي سقيته
وياكثرماهو من أحساسه سقاني

* وياكثرشعركتبته يوم جيته
قمة الأبداع شعري لا دعاني

* أن بديت الحرف بأشواقي بديته
أبتدي به وأنتهي به لأنتهاني

* كل حرف من حروف أسمه قريته
وأتلذذ في حروفه لاقراني

* خالد"ن" ذكره بقلبي لابكيته
أذكره وأبكيه وأضحك له ثواني

* لاعدمت رضاه وأسمه يافديته
دايم أسمي في شفاته لادعاني

* لو أعدد بالمزايا ماوفيته
ولوعزفت الشعرلأجله ماوفاني

* ووالله أني لوكتبته ما أنتهيته
ولو نثرته شعركله ماأنتهاني

* أكتبه مرآت بالمعنى هويته
وأكتبه مرآت بأحساسه هواني

* أتغزل به وغيره ماعديته
وش أسوي دام غيره ماهناني

* ياعسى ربي كريم ولا دعيته
يسعده في دنيته هالمودماني

* وياعسى قلب"ن"على الضيقه حديته
ياعساي فداه كلي ياعساني

* ياعسى دنياه تضحك له وليته
له يحقق خالقه كل الأماني

* أبردد قول فالأول حكيته
صاحبي لو أطلبه روحه عطاني

* ياعسى يفدونه العالم فديته
ياعساي فداه هاك المودماني

وسلامتكم
دانة القصيد
[/frame][/b][/i][/center][/size][/font]