لا واهني اللي من الديـن ســالـم
 

الدين مثل مايقول المثل عما عين وعند البدو (( يقولون الدين يقطع الرزق السارح)) أبيات سويتها بعد ماعاقبني الديّان سنة من السنين ومن عقبها تبت ماعاد أتدين .. وفيها نوع من الفكاهه لرفيقي الي أسندت عليه الأبيات الأخ / مشعان الشيباني.
*****


[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="outset,2,gray" type=0 line=0 align=center use=ex num="0,black"]
لا واهني اللي من الدين سالم =واسعد عينه مهتنن في منامه
مادقّه الهاجوس صاحي ونايم=ولا زاره الدّيان راع العمامه
أنشهد إن الدين سمّ السمايم= سمٍ ذحاحٍ ما ذكر به سلامه
بحرٍ عميقٍ فيه غاطس وعايم= واللي بوسطه غاص يصعب مقامه
يقوله اللي ذاق مِرّه ونادم=تسعين مَرّه طبّ سوقه وسامه
طبّه وداجه عقب ما كان شايم=حدّه زمانه غصب يلبس حزامه
مشعان يا مشكاي وين انت هايم=خليتني لعداي فوق المسامه
إن كان عندك يالعتيبي عزايم=وتقول للميقاف عندك شهامه
شدّ الحزام وخل عنك الولايم= إفزع لأخوك اليوم وأطلق لجامه
وإن ما فزعت أخترت عنك العجايم=ولا نعدك لابسن لك لثامه
للرجل ميقافه ويحماه دايم=والعُود تِعرف نبتته وإنصرامه
واليا حصلي منك تاج العمايم=تستاهل البيضا وتعطا وسامه
يحماك رب البيت لفح السمايم=يكفيك شر الناس وأيضا حرامه
يا شوق من لبس الذهب والزمايم=أبو جديلٍ فوق خدّه علامه
أبو عيون سود تحت اللثايم=والزين كله فيه ظبي العدامه
وصلاة ربي عدّ ماشي وحايم=واعداد ما تمطر مزون الغمامه
على نبيٍ صار للدين خاتم=آخر رسولٍ عزّز الله مقامه

سفر مشعان العتيبي[/poem]
أستمع للقصيده

[rams]http://hfte.net/upload/dain.rm[/rams]

صح السانك ياولد غابي ولاهنت على هالقصيده

تسلم يمينك طال عمرك

ودمت كما تحب

لا هنت على القصيده اللي تنم عن معاناه حقيقيه

تحياتي

صح لسانك يا ولد غابي

أخوك/أبونايف

مشاركه
 

قصيده جميله ورائعه سلمت يمناك ولد غابي مع أن الحريم مالهم بالدين هههههههه الرجال هم اللي دائما مديونين


تحياتي لك

صح لسانك يا ولد غابي وبيض الله وجهك

أخواني وأخواتي

أشكر لكم مروركم جميعا لاعدمتكم

لكم تحياتي

صح لسانك ياولد غابي

شكرا على مرورك ياخوي طالع

وصح بدنك

لك تحياتي

ابو طلال

ياسلام ياولد غابي


صح لسانك



صدقت والله