منتديات عتيبه - الزير وكليب!!!!!

[size="5"][i][b]ابتعادن عن القلوب الخضراء وتجديد التواصل

اتمنى ان تليق بمسامعكم واذاوقكم هذه الاجتماعيه البسيطه[/b][/i][/size]

[poem=font="simplified arabic,5,red,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]

بعض العرب رمـه ولوطابلـك يـوم=لو ان ابوه اطيب مـن الزيروكليـب
مهمـى تعيدالـهـرج وتكثرالـلـوم =يمشي على دربـه ولايردعـه عيـب
يطبق على القول معطـى ومحـروم=اعطاه عقـل وجسـم ولايقدرالطيـب
تركيبته هيكل مـن اعظـام واللحـوم=والعقل ويا القلب مـن دون تركيـب
وظيفتـه فالمجتمـع ينقـل اعـلـوم=واليا سعى ابحاجه يجي منه تخريـب
هو يحسبن المرجله ضحـك وحلـوم=وطق الحساوي وقالوا هاتولي الجيب
فصل هدومه لجل يضحك على القوم=ولقب سموه شـوق كـل الرعابيـب
ثم رز نفسـه بيـن شعـار وقـروم=وفي صدر مجلسهم ينادونـه الذيـب
مايعرفونه بس مـن سكبـت اهـدوم=ومن جلسته غرت رجالـن واجانيـب
الذيب جا والذيـب سافـر ومعـزوم=وفي وسط ربعه شفت هالذيب ابوذنيب
تاريخه الماضي مع النـاس مذمـوم=في كل يوم ايضحي اصحيب بصحيب
في كل يوم انشوف ظالـم ومظلـوم=هي فبركـه والاحقـل ل التجاريـب
واليا نطقنـا حضـر الفيـن حلقـوم=الـورع والرجـال وام الحلالـيـب
البيـت كلـه يمكـن ايطيـح ويقـوم=وفتحت لك دربن مثـل سكـه البيـب
الله يعينك لـو تبـا اطيـر واتحـوم=اصبحت وسط الناس كلـك عذاريـب
محدن يباك تصير طيب علـى الـدوم=كذب وصدق جملت الشـك والريـب
واليـا بـلاك الله مزكـم ومحـمـوم=كلن دعالك جعلـك اسنيـن مااطيـب
ازين نخيط افواهنا ونصبـح اجـروم=ناكل ونشرب في ضيافـه معازيـب
اليوم برطم صاحـب العـز مشـروم=والكدش نادوها ابحصـان الاطاليـب
والسيف بنصابه مـن العـام مثلـوم=واليوم حتا العجز يطلع لهـا شنيـب
ابا اختصرلك فالسما خمسـه انجـوم=وكل النجـوم اعمـار بيـام واتغيـب
والمرجلـه تبغالهـا افعـال وعـزوم=وان ماكسبت ابيدك ماجتـك بالشيـب
انا اعرف ان الطيب فالناس مقسـوم=لو ان ابوك اطلق من الزير وكليـب[/poem]

وسلامتكم