منتديات عتيبه - بارك الله في زفا فِ جمع كل القروم

[size="6"][font="comic sans ms"]بسم الله الرحمن الرحيم

مشآركه في حفل زوآج / خآلد بن شآلح العتيبي على كريمة الشيخ / سعود بن شويه السبيعي

/

\[/font][/size]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلمة الترحيب واجب وتلزمني لزوم = مرحبا واللي حضرنا ينوب عن الغياب

بإسم إبن شويه هلا عد ماتبدى النجوم = وبإسم إبن شالح هلا عد مارش السحاب

بالنيابه قلتها عن قويين العزوم = دامت ايام الفرح مرحبا والكيف طاب

كل أمير وكل زائر مقدر ومحشوم = مرحبا بضيوفنا من شيوخ ومن شباب

ضيفنا لآمن نصانا من المجلس نقوم = إحترام الضيف واجب ونحسب له حساب

بعدها يقلط على الكيف مع شط الردوم = والقبول الزين وطلب من الله الثواب

بارك الله في زفافٍ جمع كل القروم = دعوة من قلب صادق عساها تستجاب

عزوتي من روق وأفخر ليا جات العلوم = والعتيبي والسبيعي يانعم الإنتساب

نعم بالسبعان اقوله وبعتيبه عموم = طيبهم من يوم كانو ليا يوم الحساب

الوفا من طبعهم والسلوم من السلوم = وسوقهم سوق الشرف ندخله مع كل باب

آخذين حقوقهم بالدفاع وبالهجوم = قلت قول الصدق والصدق ماغيره جواب

للعتيبي والسبيعي على العليا وسوم = السبيعي والعتيبي عزيزين الجناب

تحت راية من حكمنا عسى حكمه يدوم = وحد أركان الجزيره على مافي الكتاب

وإرتحل عنها لعله من النار معصوم = سلم الرايه عياله مطوعة الصعاب

حكمهم حكم الشريعه لحاكم ومحكوم = وحقهم منا الولاء دام ماشاب الغراب

والثناء والحمد للي له المسلم يصوم = يوم سلطان المكارم شفاه الله وطاب

ظل شعب المملكه عن لواهيب السموم = عضد ابو متعب وسيفه ليا كبر المصاب[/poem]

[size="6"][font="comic sans ms"]/

\

الشاعر / تراحيب بن سويلم العتيبي[/font][/size]