مرثيه في الشيخ ابوسنون
 

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله يامـنـشـي ســحــابٍ نــثــر مــــاه=تغفـر ذنوبـه يــوم كـاشـف ومكـشـوف
فــي مـاقــفٍ مـافـيـه ربـعــه ولا جـــاه=إلا العمـل اللـي علـى الـلـوح مشـيـوف
مــرحــوم يـاشـيــخٍ عــزيــزٍ فـقــدنــاه=شيـخ الشيـوخ اللـي مـقـدر ومـعـروف
أبــو سـنـون الـلــي حـمـيـدة سـجـايـاه=أسمـه عليثـه يرفـع الـراس بــه نــوف
جـاه الطبيـب وفيـه قـد ضاعـت أريــاه=والربـع مـن حـولـه طوابـيـر ووقــوف
بـآخـر شـهــر شـــوال جـاتــه مـنـايـاه=أتلى العهـد بـه داخـل الشـاش ملفـوف
فـــي داخـــل الـقـبـر المـسـمـى دفـنــاه=وسط اللحد مـن دونـه اللبـن مصفـوف
راضيـن باللـي جـاه مــن عـنـد مــولاه=أعمـار مـحـدوده بالأسـبـاب وظــروف
رجـل الشهـامـة والـمـرؤة مــع الـجـاه=ولا هـو علـى غـرات الأجـواد مكـلـوف
يـفـرح ألـيـا شــاف المـسـيـر تـنّـصـاه=ريـف الفـداوي وأهـل البيـت وضيـوف
عــز الرفـيـق الـلـي لـيـا جــاه يـنـخـاه=هوعـزوة المضيـوم مـا يلحقـه حــوف
حلـيـم مهـمـا قـيـل مــا يلـحـق أقـصـاه=الله يعـوضـنـا عـنــه خـيــر مـخـلــوف
بـنـدر يـجـي مـثـلـه يـســوي سـوايــاه=ويقـوم بالـواجـب وحـنّـا لــه أسـيـوف
مـرحـوم يالـلـي تفـعـل الطـيـب يمـنـاه=ريف اليتيـم اللـي مـن الوقـت ملهـوف
وريف الرفيق اللـي عـن الشيـن يـدراه=ملجا الضعيف اللي من الوقت محفوف
يبكيـه مــن يغلـيـه قــد عــاش بحـمـاه=اللـي علـى شوفـه شفـاوي ومشـغـوف
ويبكـيـه مــن يرجـيـه بالبـيـت يـرعـاه=الـلـي بـعـد فـقـده مـحـزن ومـصــدوف
وتبكـيـه طخـفـه والهـضـاب المسـمـاه=ويبكيـه عـود مـن الكبـر فاقـد الشـوف
وتبـكـيـه رمـلــى بـعــد عــــزٍ مــخــلاه=جـاهـا مــن الأدنـيـن تنكـيـد وحـفــوف
ويبـكـيـه مـضـهـودٍ نــقــل داه بــــرداه=خلـوه ربـعـه داخــل السـجـن مـوقـوف
ويبـكـيـه ربـــعٍ جـربــوا حّـــر فــرقــاه=حّـر الفـراق اللـي حصـل لافهـم لــوف
ويبـكـيـه مـبـهـل والـبـيــوت الـمـبـنـاه=ويبكـونـه الأجــود بـأفــراد وصـفــوف
وأيضـا القـرارة ترفـع الـصـوت تنـعـاه=بعد غيـاب اللـي حرسهـا عـن الخـوف
وأنــا بـعـد معـهـم أجـروحــي مـخـفّـاه=بأقصى الضماير شبـت النـار بالجـوف
عـلـى الرفـيـق الـلـي علـومـه منـاجـاه=بيـنـي وبيـنـه حـاجـز الـسّـر مـحـذوف
راح الـنـديـم الـلــي سـلـيـمـه نــوايــاه=عـلـيـه قـلـبـي بالسكـاكـيـن مـنـصـوف
أرجـي عسـى الرحـمـة بقـبـره تغـشّـاه=ويثبـتـه بالـقـول مـــا يلـحـقـه خـــوف
ويُعـطـي كتـابـه عــن حسـابـه بيمـنـاه=فـي مـاقـفٍ نـقـرآه بالكـتـب مـوصـوف
مــا ظنـتـي يــا بـنـدر الـقـلـب يـنـسـاه=ما دمت أنا معكم على الأرض وأشوف
كـــلٍ يـعـبـر عـــن ضـمـيــره بـمـعـنـاه=أنـا ونـايـف نـرفـع الـصـوت بـحـروف
ونـجـاوب السـرحـان وأن جــرّ بـعـواه=ومـن لامنـا فـي شيخنـا يفقـد الـشـوف
يمشي على وضـح النقـا يرهـب أعـداه=ولا يقبـل اللـي فيـه شالـف ومشـلـوف
معـروف أبـو بنـدر ومـعـروف ممـشـاه=يمشـي علـى كيفـه ولاهــوب مـدفـوف
يالله يـامـعــبــود تــغــفــر خــطــايـــاه=وتجبر عزاء اللي داخل البيت مشعوف
هــذا وصـلـى الله عـلــى مـــن تبـعـنـاه=أعـداد مـا يُكتـب مـن سطـور وحـروف[/poem]


الشاعر / مطلق بن هادي الحبردي

الله يرحم الشيخ

ابوسنون

والعوض في من بعده

وصح لسان

مطلق

ولاهنت يابوسنون على ايراد هذه القصيده

أمين الله يرحمه والعود ينبت بداله عود وابشرك

يمال الجنة وعسى ربي يرحم اعضامه

وصح لسان الشاعر مطلق الحبردي


لا هنت يابو سنون العطاوي على النقل


احترامي

الله لايحرمك الجنه وجودك يكفي اسمك هو ردي عليك لاهنت يالذيب