منتديات عتيبه - سيد الغيد

[center][size="5"]الشعر موقف والمواقف كثيره

والزين ماله غير طاري وسيره

يالعنبوا جــــده على هالوتيـــره

ماهوب راحمني ولا هوب منصاع

جندت له قافن من الشعر مرغوب

يادوب يشكي له عن الحال يادوب

من عام الأول يبدع القاف ويذوب

والوضع مابه غير هجر وتوجـاع

قلت أكسبه بالشعر لا صرت شاعر

يمكن يجي لـه عقب صده مشاعــر

والظاهر إنه مايعــرف المشاعــــر

قلبه عـن قلــــوب المحبين جــــزاع

أثر الهوى غلاب ياأهل المواعيد

ماهوب متخبي ولا هــوب تأكــيد

من عيد تطرد سيــد الغيد للـعيــد

الحول دار ولا بقى للــوصل بـــاع

وإن جاك عاذل قال وينك ووينه

علقك بخيـــوط المـحبـــه وزينه

منتب على وصله ولنتب تـــدينه

إنسه ترى شفه على الغير طماع

مايدري إني فيه مغــرم ومفتون

والحب مايخضع لمنطق وقانون

إما عطاني حــب مانيب ممنون

أنا عطيته غصنن أخضر ومرباع

ياناس ياللي لمتوا عيـون سلطــان

يـوم إنفتن بالزين والزين لـه بــان

لاتكثرون اللــوم مـادمت عشـقان

كان الوصل وإلا الجفاء خافقي طاع

من يوم شفته والمــزايين شــانوا

وإن كان ماشفتوا تعالوا وعــانوا

عانوا يتيم الحســـن بـالله عانــوا

قدن رشيق وطول وعيونن وســاع

هي صدفتن شفته وشفته وشفته

لا مالـمـحتـه ليت لـــوي لمحتــه

ماكـــان غنيت الغــرام وعـرفته

ولا كان حبيته ولا صرت منصـاع

عشمت روحي فيه مدري تعلقت

الزبده إني فيــه ذبت وتشـــوقت

جمعــت كلي فيه مدري تفــرقت

الزبــده إني منه عانــي وملتــــاع

الله يســامح قلبـــــي اللي تــــولع

في حب محبــوب الخفوق المدلـع

شلـــع خفوقي ليـن العـــود شلـــع

مانلت من حبه سوى ضيم وأوجــاع[/size][/center]