منتديات عتيبه - شوقي نشا غيمه وهاضت بنوّه=ديمومةٍ ومن الوله رفرفت فوض

[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

شوقي نشا غيمه وهاضت بنوّه=ديمومةٍ ومن الوله رفرفت فوض
وجدي نسيم وساق غيمي بقوّه=أشواق لسعيدان ومعانق الروض
عنها اغترابي ليل ما لاح ضوّه=ولاغير حايل في رجا غربتي نوض
دارٍ زرعت العشق بارضه وجوّه=عشقٍ من أيّام الطفولة ومحفوظ
مكتوب أفارقها وافارق هدوّه=البعد والحرمان قسمه ومفروض
سود الليالي لوّعتني بسوّه=تعرضن من جورها كم عاروض
عشرة أعوامٍ واحسب الوقت توّه=واليوم مرواحي به أسرار وغموض
لا يناسب المجلاس للي تموّه=ولا يناسب المرواح والحبل منقوض
صرت الشقا المذكور وآخر علوّه=بذلت مجهودي ولا ني بمحظوظ
بعض الوجيه اللي ترحّب عدوّه=تمثيل والتمثيل خدعة ومرفوض
يقطع وجيهٍ فارقتها المروّه=من شوفها قلبي عليل وممروض
وملّيت من ضيّع دروب المخوّه=واشتقت لسعيدان ومعانق الروض [/poem]

[b][size=4][color=#8b0000]للشاعر القدير حاشم خلف العمودي الشمري[/color][/size][/b]