النوح ..
 

[frame="7 80"][poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
امسح دموعك واستفق واترك النوح = واصعد على روس الطوال الجبالي
لاصار دمعك للمخاليق مفضوح = مالك سوى ربٍ عزيز الجلالي
ماكل من ذاق الهوى صار مجروح = وطعم الهوى مابين مرٍ وحالي
والرفقه اللي من علشان مصلوح = لا خير فيها دام فيها توالي
حمّل زهابك واترك الباب مفتوح = ماعاد باقي في الهوى شخص غالي
دام الوفاء في هالزمن صار ممسوح = ودام التواضع صار مثل التعالي
وش عاد باقي روح لو باقيه روح = لا صار جرحي عم والدمع خالي
مسموح يا قلبٍ غدر فيّ مسموح = والله يرحم عمري اللي بقالي
قتلت فيّ الضحك والحب والبوح = وإن قلت كيفك قلت مرتاح بالي
أجاملك والدمع من عيني يفوح = فوح الدلال لمكرمين السبالي
تجي ولامن جيت سرعان ماتروح = وأبقى على ذكرى اللقاء والوصالي
ذل المدح لا صار في غير ممدوح = وعمق الجواب يسد ضعف السؤالي
والقافله تمشي رغم كل منبوح = والضحك بعض احيان ضحك افتعالي
ومن يضوي الفزعات ثم مات مسروح = عالي ولوّه مات بيموت عالي
أخير من عايش مع الناس مذبوح = مذبوح ذكره ماله أول وتالي
ياصاحبي رغم الحزن فيّ مكبوح = بصبر على جور الزمن والليالي
وياصاحبي حتى على زفرة الروح= بموت وأنا فوق رأسي عقالي[/poem][/frame]

[color="#0000ff"]صح لسااانك يالذيابي ... قصيده وافيه ...... تقبل تحيتي[/color]

ياصاحبي رغم الحزن فـيّ مكبـوح
بصبر على جـور الزمـن والليالـي
وياصاحبي حتى على زفـرة الـروح
بموت وأنـا فـوق رأسـي عقالـي


صح لسانك يابن ذايب وافي والقصيده وافيه
تقبل اعجابي ،،،،
سعدبن عاصي

شاعرنا


[color="red"]جميل الذيابي[/color] ,,


صح لسانك .. نص جميل أعجبني ..


وأبيات معبرة ..


[color="blue"]قتلت فيّ الضحـك والحـب والبـوح
وإن قلت كيفك قلـت مرتـاح بالـي
أجاملك والدمـع مـن عينـي يفـوح
فـوح الـدلال لمكرميـن السبـالـي [/color]


وبإنتظار جديدك ..وتفاعلك ..

[color="black"][size="5"][font="century gothic"][center]جميل صح لسانك عدد حروفها واكثر


لك خالص الاحترام [/center][/font][/size][/color]

[size="4"][color="blue"]الشاعر الذيابي

صح لسانك ملايين

كل بيت اجمل من الثاني ،،

يعطيك العافيه..ولاتحرمنا يديدك

تحياتي..[/color][/size]

صح لسانك يالذيابي

قصيده جزله وتدل على شاعر قوي ومتمكن

وانا ما اخفي اعجابي بما طرحته

ماكل من ذاق الهوى صار مجـروح
وطعم الهـوى مابيـن مـرٍ وحالـي

صدقت والله .

صح السانك يالذيابي