عتيبه الهيلا ليا جـات المواقـف والحـروب
 

[poem=font="simplified arabic,6,orangered,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الاولـه نبـدا بذكـر الله عــلام الغـيـوب=والي بعد معروف جود الناس مـن ماجودهـا
سلام تسليم الوفاء يسبـق ذعاذيـع الهبـوب=ينصا الرجال الي ليا عقـدت تحـل اعقودهـا
ربعن عزيزين وغلاهم عندنـا ملـي القلـوب=من سابق الدنيا تراهـا ماتخـون اعهودهـا
الله يبارك في الرجال الي يعرفـون الوجـوب=قومن تميز فـي العلـوم صدورهاوورودهـا
مني تحيه للرجـال الـي يحلـون الصعـوب=ميقافهم معروف في بيـض اليـال وسودهـا
قومن لهم تاريخ مابيـن القبايـل والشعـوب=على قوانين العرب تحفـظ سلـوم جدودهـا
عتيبه الهيلا ليا جـات المواقـف والحـروب=تمشي على وجه البسيطه ماتضيـق حدودهـا
قومن تحفظ حقوقها في كل دار وكـل صـوب=قومن تولع نارهـا مـن قـو قـدح زنودهـا
وليا مشت في الدار لايمكن تضيق ابها الدروب=ماهمهم من ركـب الجمـره علـى بارودهـا
حنا عتيبه شرق غرب من الشمال اليا الجنوب=مثل الجبـال الـي تراهـا ماتليـن احيودهـا
وانا عتيبي وافتخر مانيـب محتـال وكـذوب=من الرجال الـي تراهـا ماتبيـح اسدودهـا
والنعم في كل القبايل فالشـروق وفالغـروب=مافيه قومن غير في الدنيا خـذت مقصودهـا
حنا عتيبه صيتنا عالي مع الناس امحسـوب=نارد حياض الموت وخيار الرجـال اشهودهـا
من ماضي الايام يوم الناس غالـب ومغلـوب=كم قوم تاقف ضدنـا لاكـن نكسـر عودهـا
والـي نوانـا بالاخيـذ نتوبـه حتـا يتـوب=نارد عدود القوم ونصفـي جميـع عدودهـا
ون جاتنا العدوان لايمكن نفكر فـي الهـروب=حنا كما السم الذحـاح الـي يشـق اكبودهـا
وختامها كـل القبايـل طيبيـن بـلا عيـوب=صلاه ربـي عـد ذعـذاع الهبـوب ونودهـا


[/poem]

قصيدة وصلتني على الايميل من أحد الاصدقاء

مع التحية لأقرب شخص أو مراقب لتنسيق القصيدة عندي مشكلة بالتنسيق

تم التعديل يازاحم
وبيض الله وجهك على القصيده وتستاهل عتيبه المدح وان جبت لنا اسم قايلها نكون لك من الشاكرين

شيخ الشيوخ بيض الله وجهك على التنسيق والمرور

والقصيدة لشاعر من الثعالية واسمه لا يحضرني

تقبل تحياتي