حبه يخج القلب مايوجع وجاع
 

[poem=font="simplified arabic,6,black,bold,italic" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black""]
لا والله إلاّ شدّوا البدو نجاع=كلٍ هدم مبناه وارتد زمله

شدّ الشديد وقربوا كل مطواع = وراعي المودة فرّق البين شمله

غدا لهم دون الرفيعة تمزّاع =كل بغا درب ٍ عزل وانقسم له

وابكرتاه اللي غدت بين الاقطاع= وآبعد دورتها على اللي جهم له

الهقوة إنه يم "دخنه" بالأوقاع= والا مع اللي سنّدوا مستهم له

لاهيب لاحاشي ولاهيب مرجاع= عفراً فتاه وراعيه ماوسم له

ياغصن موزٍ ناعمٍ له تمر ياع= ومنين ماهبّ الهوى مال حمله

راعي هدب عين مظاليل ووساع= خرس ٍ عيونه والمحاجير جمله

وراعي مجاديلٍ مشطهن يجي باع= أشقر على هاك الردايف يعمله

عليه ماوقفت عيوني بالأدماع= وهجس إن يلحقني على الطول سمله

أعوي عوي ذيبٍ ورا البدو نجاع= يقنب إلين الله يجيب اللحم له

حبه يخج القلب ..مايوجع أوجاع= لاشك قلبي مودعه بيت نمله [/poem]

[color="#cc00ff"][size="7"][glint]فهيد المجماج [/glint][/size][/color]

[size="4"]لاهنت يالغالي

من روائع العزل العفيف

وراعيها من اعلام الشعر النبطي


تحياتي لك[/size]

[font="comic sans ms"][b][center][size="6"][center][grade="ff4500 4b0082 0000ff 000000 f4a460"]الله على هالذوق المميز


صح لسان شاعرها وتسلم يمين ناقلها[/grade][/center][/size][/center][/b][/font]