منتديات عتيبه - <<<<نو ف>>>> لو انها في مدة الفـرس والـروم!!!!!!!!!!!!!!!!!!!!!!

[color=#0066FF]هذي قصيدة جميلة قرأتها بأحد المنتديات وحبيت ان انقلها لكم بهذا المنتدى الموقّر وهي لشاعر بدوي يتغنى بهذي القصيدة عن حبه العفيف لملهمته وأسمها نوف اتمنى ان يحوز على رضاكم[/color]

[poem=font="Simplified Arabic,4,white,bold,normal" bkcolor="teal" bkimage="" border="double,10,darkred" type=0 line=0 align=center use=ex num="0,black"]
الناس لاموني وانا ماعلـي لـوم=في حب نوفةًًًًً(ن)من البيض عفرا

لو انها في مدة الفـرس والـروم=لعبت بقيصر واسهرت عين كسرا

يلومني من لا جفـا عينـه النـوم=من لا يجاذب دمعته كل عصـرا

ماهو بمثلي من زمانيـن مضيـوم=ليل صويب وليل من ضمن الاسرا

اقرامواضيع امس واكتب عن اليوم=وان حد نشدني قلت لااكتب ولااقرا

حب النقا راعيه بالصمت ملـزوم=وانابحال الحب واخبـاره ادرا

وجدي على اللي قربها غايتي دوم=اللي تلاوعني بصد وهجرا

الجادل اللي حبها سر مكتـوم=ورموز قصة واقعية وذكرا

في صمتها الراهب مواضيع وعلوم=تلهيك عن باقي المواضيع الاخرا

جمالها عند اجمل الخلـق معـدوم=وموصفة شمس على وصف بـدرا

مثل الهلال حجابها كنـه مرسـوم=والخد بدر والجعد ليل غدرا

والعين بحر عازل قوم من قوم=لبسوا السواد ومحتضين للمسـرا

وخاتم سليمان به الدر مختوم=والشفتين تقول وقاد جمـرا

والعنق سلة هند في كف زيـزوم=طلاب ثار صبحـوا القـوم فجـرا

وعقد تلامع به قناديل ونجوم=وتفاحتين في بساتين خضـرا

ملهوفة السرجوف والورك مزموم=كنه يعوذ في الجدايل ويبـرا

والفخذ بغدادي على الوصف مبروم=تصفق عليه بكفها يوم تـزرا

خضابها يوصف على جيش مهزوم=قفا وراياته من الدم حمـرا

بالهون تتخطر على الدرب وتهوم=مغرورة طفلة ثمان وعشـرا

تقعد لها الدنيا على ساق وتقـوم=وتميل معها ميـل شـراب خمـرا

تسبيك تستيسرك ترميك بسهـوم=والجرح منها صايب ليـس يبـرا

لو شافها اللي لا صلاة ولا صـوم=رتل عليها سورة الشمـس جهـرا

هذا وانا هيمان هايم ومهموم=ولهان لا اتصبر ولا اطيق صبـرا[/poem]

منقول