![]() |
رد: إذا المراجل لبسة شماغ وعقال .. قل للعذارى يلبسنّ العمايم!!
[size="6"][font="comic sans ms"][center]
إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لأيش أنت رجال والله خساره فيك ذبح التمايم الشاعرة / نوف بنت شطيط العتيبي [/center][/font][/size] |
صح لـسانهــا
و لاهنتـي |
مشكوره يابنت الهيلا لكن هذه القصيدة مكررة اكثر من عشر مرات وهذا اول رابط لها
[URL="http://www.otaiby.com/vb/showthread.php?t=3065&highlight=%E1%E1%DA%D0%C7%D1%EC"]http://www.otaiby.com/vb/showthread.php?t=3065&highlight=%E1%E1%DA%D0%C7%D1%EC[/URL] |
ليت الاخوة الاعضاء يتأكدون قبل ما يكتبون الموضوع انه غير مكرر...شيخنا العزيز صدقت في التكرار غير مجدي وياهلااااااااااااااااوغلاااااااااااااء
ينقل الى المكرر وشكرا |
| جميع الأوقات بتوقيت GMT. الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها