منتديات عتيبه - خلهااااا ترعى زهر .....!!!!

اتمنى ان تعذروا غيابي.

مشاركه ارجوا لها القبول...

[poem=font="Simplified Arabic,5,darkblue,bold,normal" bkcolor="transparent" bkimage="" border="groove,8,darkblue" type=2 line=0 align=center use=ex num="0,black"]
خلهـا ترعـى زهـر ويحلهـا الحلالـي=كل كربـه لـو تطـول ايامهـا محلولـه
والهبايب لـو تطيـر بغترتـي وعقالـي=بين ربعي والله اني مثـل ريـس دولـه
كم رقيت بعظم ساقـي فالطويـل العالـي=يوم غيري في ذرى غيره خـذا قيلولـه
انقل الحمل الثقيل لحالـي وفـي حالـي=وابعد برجلي عن الجمع الغفير وضولـه
ذقت من مر الليالـي قـدم اذوق الحالـي=واحمـد الله واشكـره نتايجـي مقبولـه
ماعلي خـلاف دلـوي مايطـق الجالـي=دام دقني في حماهـا اشنابـي المفتولـه
شي في بالي ولانـي مستريـح البالـي=دون مافالقلـب صـدرٍ محكمـات قفولـه
جملة ٍ مـن سالـف الازمـان فالامثالـي=من يماش الجرب يجرب ماتعـدا حولـه
جاوبي ياهاجسي مـع طرقـي وموالـي=وسط صدري هرج لاكن مدري كيف اقوله
المهـم ان المحبـه للحبـيـب الغـالـي=والغـلا ماكـل واحـد فالغـرام ينـولـه
ربع خالي وسط قلبي ماش ربـعٍ خالـي=من ملك عرضه وطوله ماقـدرت اطولـه
دونـه دروبٍ طويلـه تتعـب الخيـالـي=في زمانـن ماتـلادا سيوفـه المسلولـه
قلتهـا لـو ان ربعـي يحتمـون التالـي=قلتها واسمع تخافت قولهم وش هـو لـه
المشوك من هلالـي فـي حـزام هلالـي=والمعرفه طيب سـاس وكلمـةٍ منقولـه
كلمـةٍ ورث ٍ لبـوي مورثـه لعيـالـي=كل كربـه لـو تطـول ايامهـا محلولـه[/poem]

اخوكم بعيد المراميس