من روائع الامير محمد الاحمد السديري
 

[align=center][size=5]شـي بقلبـي يامـلا حايـر فيـه+++شي تحير بـه العقـول الفهامـي
اخفيـه بفـوادي ولا ودي ابديـه+++وادور الخيـرات شـرق وشامـي
احترت به ماشفـت شـي يحاليـه+++واليوم ابنشد عنـه مانيـب كامـي
سيل حدر مع وادي غيـر واديـه+++مـدري حـلال مـاه والا حرامـي
كانه حلال وجايز شـرب صافيـه+++وش حلله يـا مفسريـن الحلامـي
هاتـو تفاصيلـه وهاتـو معانيـه+++نبي الدليل اللـي عليـه الكلامـي
نبي دليـل يفهـم الـدرب ماشيـه+++يمشي بـه التايـه بليـل ظلامـي
يمشي به التايه ويقـدي مواطيـه+++ويشرب قراح الما اليا صارضامي
لاشك هجسي يـوم خـلا مماشيـه+++انـه حـرام ومنـه زود الاثامـي
احرم مـن الزقـوم مـره وحاليـه+++وشربه على الظامي يزيد الهيامـي
الله مـن قلـب همومـه تقـزيـه+++تدك بـه مثـل الجـراد التهامـي
من مما جرا قامت تتلـه مشاحيـه+++تل الرشامن فوق هدف المقامي!!
روابـع قامـت تصيبـه وتخطيـه+++شاف الهوايل واختـلاف الاسامـي
ما يسمع الداعي اليا قـام يدعيـه+++يعوم في بحـر مـن الهـم طامـي
ما ينتبـه للـي بصوتـه يناديـه+++يزيـد همـه يـوم كـل ينـامـي
يشـوف وقـت ماعرفنـا تواليـه+++وقت يشيَب من بسـن الفطامـي!!
هـذا زمـان كـاثـرات بـلاويـه+++والغيم يقلـب فيـه عـج وكتامـي
يابعد شرب الما على كبـد راجيـه+++ما سيَل الغبـرا زعـوج الجهامـي
انبيك يامن كلمـة الحـق ترضيـه+++اعطيك ما ينفعـك وافهـم مرامـي
قصـر يذلـك لا تقابـل مبانـيـه+++خله عسى شامخ طويله هدامـي!!
خله عسى ما صاب اغادير يفنيـه+++يودع منازله الطويلـه رجامـي!!
لو زان مدخالـه وطالـت حواميـه+++شيَد على الخيبـه قليـل الرحامـي
وحـي يوريـك المذلـه وتغلـيـه+++انا اشهد انك ميت القلـب عامـي
مـن لايـودك لا تـوده وترجيـه+++ارفـع مقامـك ياعزيـز المقامـي
ارفع مقامك عن عـدوك وتوذيـه+++ويلحقك من تركت رفيقـك ملامـي
حـق الرفيـق وواجبـه لا تخليـه+++يلزمك مثـل الوالديـن الحشامـي
اختر عزيز الجار والحـق يعطيـه+++شبل على هـرج يقولـه يحامـي
مادك به عـرق المذلـه وطاريـه+++ويسبق على فعل الفضيله شمامـي
ومن قارب الاجرب بالامراض يعديه+++عداوة تسطـي باللحـم والعظامـي
درب السلامـه بينـات مماشـيـه+++ودرب العطب يرث عليك اللكامـي
ابعد وقلبك نـازح البعـد يشفيـه+++وتلقا عن الدار البغيضـه مقامـي
دار بدار وداعـي الـذل عاصيـه+++ولا تقبل الذلـه نفـوس الكرامـي
الـذل مـوت حايمـات ضواميـه+++ادخل على منزل فروض الصيامـي
عن مقعد بالـذل عينـك تراعيـه+++الموت عند الذل امـان وسلامـي
يرضى المذله من تـردت هقاويـه+++والذل يجفل منـه قلـب العصامـي
والعبد له رب عن النـاس يغنيـه+++ولولاه ما صاب الهدف كل رامـي


ومن روائع محمد بن احمد السديري ...
..
..
كذبت يوم أنك تقول أني أخطيت // وخطاك والله ما يعدد حسابه
ظلمتني ياعزوة الحي والميت // وكذبك على اليوم كلٍ درى به
..
..
ياما على شوفة خيالك تشافيت // وقلبي كفاه من الغرابيل مابه
أن شفت غيرك صدت النفس وغضيت // لو هو يهلي قلت له لا هلا به
..
..
إن كان شفتك فز قلبي وهليت // وربع محيل القلب وأزهر جنابه
دنياي تضحك بالسعد كل ما جيت // وقلبي من الفرحات ينهج بابه
..
..
إليا ذكرتك ياعزا الروح ونيت // وعزي لمن مثلي تزايد عذابه
أقسمت لك باللي فرض حجة البيت // منساك لو القبر شيّدترابه
..
..
أنت الذي يانور عيني تجنيت //ونهبت قلبي من كنينه نهابه
وأنا الذي بسواق حبك تماديت // وقلبي دخل وادي هواك وعذابه
..
..
أبيه يسمع عبرتي والتناهيت // والحب في قلبي غطس كل نابه
على الذي بآيات حبه تسليت // طفلٍ سلب مكنون عقلي وذابه
.
.
وجدي على لاماه ياليت ياليت // أبيح زبن ان كان قام وسعى به
اما فزع لي وانتخى شايع الصيت // والا ترك غاليه ينزف صوابه
.
.
من ضيقةٍ بالصدر ياعمير ناديت// زبن المسمى وين حيٍ نحابه
..
..[/size][/align]

ياكثر روائع السديري الله يرحمه وشكرا لك يالتركي وليتك تعطينا من رائعته التي يقول فيها:
يعل قصر ما يجي له اظلالي= ينهد من عالي مبانيه للساس

مشكور يالتركي
مختارات رائعه من شاعر لايشق له غبار
تحياتي

[quote=abosaad]ياكثر روائع السديري الله يرحمه وشكرا لك يالتركي وليتك تعطينا من رائعته التي يقول فيها:
يعل قصر ما يجي له اظلالي= ينهد من عالي مبانيه للساس[/quote]
مشكور ولاهنت اخوي ابوسعد علي المرور يالغالي وطلبك ابشربه تحياتي لك

[quote=بن ثعلي]مشكور يالتركي
مختارات رائعه من شاعر لايشق له غبار
تحياتي[/quote]
العفوا اخوي بن ثعلي ومشكور علي مرورك يالقرم

صح لسانك يالتركي ورحم الله الشاعر رحمة واسعه

وهنت على النقل