منتديات عتيبه - بَيِنْ إلمَطيَرٌيْ وَ /ّ إلَع‘ تًيِبْيّ تعٌإ‘جِيْبٌ ..

[right][color="black"]
عربون محبة ووفاء من الشاعر [color="#730606"]/[/color] [color="#056117"]فهّاد بن عايض بن عمير الميموني المطيري[/color] ..

بمناسبة تسمية ابن اخيه [color="#071e59"](فيحان بن فهد بن عمير الميموني)[/color]

على الأمير [color="#700606"]/[/color] [color="#056117"]فيحان بن ناصر بن جعيلان الحآفي[/color] .. وقد اهداهـ هذهـ القصيدهـ ..

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبـا ترحيبـةٍ ريحهـا طيـب=واحلى مـن السكـر لذيـذٍ طعمهـا
الله يحيـي ربعنـا والأصاحـيـب=وكل الحضور ضيوفنـا وانخدمهـا
ليلة فـرح فيهـا نزيـد التراحيـب=حيّ الرجـال بحلّـة اللـي عزمهـا
فهد ولد مـرزوق راع المواجيـب=رجله على الطولات يتعـب قدمهـا
معصبٍ راسه على الطيب تعصيـب=يتبـع دروب المرجلـة واغتنمهـا
ولا شحّ بالدينار والقـرش بالجيـب=ونفسه تحبّ اهل الكرم من كرمهـا
واكبر دليل بموقف النبـل والطيـب=بين الرجال اللـي رفيعـه اشيمهـا
بين العتيبـي والمطيـري تعاجيـب="سمّى الولد فيحـان والله قسمهـا"
سمى على (فيحان) حـرّ المراقيـب=فيحان مـن قـومٍ قويـه اهممهـا
فيحان من رؤؤس الرماه المعاطيـب=عتبان يوم الحرب حامـي وحمهـا
قدام لا تصفـي بنجـد المشاريـب=والرؤوس ضرما والمعارك ضرمهـا
يشهد لهم بفعولهـم جايـع الذيـب=كم سابـقٍ خلّـوه يفـرس لحمهـا
يروون حـد المرهفـات المحاديـب=وكـلٍ شهـد بفعولهـم واعتلمهـا
أهل المهار ومتعبت شمّـخ النيـب=قطعانهم فـي نجـد محـدٍ دحمهـا
لطامة العايل عـن الشـك والريـب=وذباحـة الحايـل وهـذا سهمـهـا
وفيحان ذكره شاع بيـن الاجانيـب=وأغلا الجوايـز باليديـن استلمهـا
هدّاج تيمـا فـي ليـال الملاهيـب=يسقي الكبود اللي ظماهـا زحمهـا
هو فزعة اللي صك دونـه لواليـب=ومن دونه البيبـان جـوّد لجمهـا
ومن شان مخلد ماعتذر عنه بصعيب=مسـك مفاتيـح القفـول وبرمهـا
وهانت على الطيّب اكبار المطاليـب=اللـي تعـلا حصنهـا واقتحمـهـا
يوم الردي يمناه تقصر عن الطيـب=وعزي لمن نفسه تمـوت بوهمهـا
لا حاش طيب ولا تدرى عن العيـب=واخير مـن طيلـة حياتـه عدمهـا
والحر كسبه من طـوال المخاليـب=والبوم بـوم ولاتنومـس اغممهـا
وعفواً عن التقصير ياهل المواجيب=اهـل العقـول النيّـره نحترمـهـا
ولا كل من يرمي للاهداف بيصيـب=ولا كل سبـاح البحـور ايغشمهـا
ومـا قـل دلّ وللمعانـي تراكيـب=واختامها بازكـى صـلاه انختمهـا
على النبي اعـداد خـط المكاتيـب=اللي نصح كل العرب مـع عجمهـا [/poem]

[color="#700606"]مَنِقٌوِوِلْ ،،[/color]

[/color][/right]