منتديات عتيبه - مرثية ابن حميد في خالة تركي بن موسى المقاطي (صوره)

بسم الله الرحمن الرحيم

السلام عليكم ورحمة الله وبركاته

اما بعد :

اليوم جايب لكم مرثية فيصل بن حشر بن حميد في خاله:

تركي بن موسى المقاطي الذي توفى في حادث على طريق بيشه الجديد حين صدم ناقه
هو وصاحبه :حمود العصيمي
يوم الجمعة 14/4/1430هــ

10/4/2009 ميلادي

[IMG]http://up2.m5zn.com/photo/2009/4/30/06/d9lacw6yb.jpg/jpg[/IMG]

وهذي هي القصيدة
|

|

ثلاثة ايام العزا تنتهي اليوم # وانا عزايه لين يعزونهم في

عزاي فالي كاسب الطيب وسلوم # خالي وأوده كنه لعيني الضي

والله لو قالوا توفى ومرحوم # يعيش في خفاقي الميت الحي

حر<ن>تعلا فالسماء وابعد الحوم # صيده سمين وعزته مالها خي

علوم فعله ما توصف بالعلوم # وفعول غيره مع فعوله ولا شئ

قدام يمشي ما تردا بالعزوم # وعند الملاقا والقسا يحمي الكي

يعطي وهو محتاجها مابخل يوم # جوده من الماجود ما قال ذي لي

محبوب ربعه واطي<ن>جلمد القوم # كبد<ن>يداويها وكبد جرحه ني

حافظ لسانه عن النمايم ومحشوم # قلبه بياضه طاهر<ن>مادخله غي

يفزع ولو بفزعته ماهوب ملزوم # فزعت طناخة راس ما حده السي

عساه للجنه من النار محروم # ومعوض<ن>في جنان ما زيها زي

الموت فوق الناس مقدر ومحتوم # لا منه لا مهرب ولا ينفدا بشئ

امر<ن>من المولى مدبر ومقسوم # ماباقي الا ربنا منزل المي

دنياك لو زانت ماهي دايمه دوم # ولو دامت لغيرك ما وصلت لك و لي

تسقيك حاليها وتسقيك الهموم # دنيا دنيه والدنائه كذا هي

وختامها صلوا اعداد ما تطلع نجوم # على رسول الحق وظله لنا فئ

وهذي شيلة :

[url]http://up2.m5zn.com/download-2009-4-19-12-f0xuabiry.amr[/url]

في النهاية ارجوا الدعاء له ولـ حمود العصيمي بالرحمه

اخوكم

عبدالعزيز المقاطي