حرك معي بالكف بلورة الحب
 

[poem=font="Traditional Arabic,6,black,bold,normal" bkcolor="transparent" bkimage="backgrounds/6.gif" border="outset,10,black" type=0 line=0 align=center use=ex num="0,black"]
أبيات لواحد يتحلم ( فكاهيه نوعا ما)

*****

يامفسر الأحلام فسّر لي الحلم=وحرك معي بالكف بلورة الحب
وأقر الطوالع كان بالوصل تعلم=وأنشد مجانينك عن البعد والقرب
وأنثر بخورك ياكثير الملا ظلم=وأملا سماك من التخاريف وأكتب
فسّر لي الأحلام وأخرج لي الفلم=عطني خبر عن حلمي السهل والصعب
حلمٍ حلمته يامنجم كما العلم=وأبغاك تعطيني جواب امجرب
حلمت بالمحبوب جاني وسلم=وأسقاني الخمر المصفى منه عذب
وأخذت أنا وياه ساعات مسلم=وساعات منها الجسم كنّه امكهرب
وصحيت من نومي عجزت أتكلم=من هول حلمي كن ابي قرص عقرب
ياشين حلم الحب بالليل الأظلم=يلفي عليك بكل الأوهام يجذب
والحلم لأهل الحب سيف مثلم=عكس الحقايق حلم الأحباب يكذب

*****

أبو طلال[/poem]

ههههههههه حلمت بالمحبوب جاني وسلم000واسقاني الخمر المصفى منه عذب






انصحك تقرا المعوذات هههههه


صح لسانك يابو خيالن واسع

شكرا
 

يابو رديعه أجل ماقريت القصيد الأوله اللي أقول فيها علي آيات مقريه

قرينا المعوذات وآية الكرسي ،، والحمدلله طار الحلم من فكري ووقع على الورق

لك تحياتي

الظاهر يابو طلال انك تبى تلحق الدجيما
تحياتي

شكرا
 

يابن ثعلي ان شاء مانيب لاحقه،، وماهوب لحيتي

المراد لو أقولك منت بمصدق،، لكن والله إن 95% من القصائد الغزليه اللي أنا أنشرها ،، وحوالي 20 قصيده من القصائد الأخرى كلها سويتها في أسبوعين ،، قبل كمن سنه ،، وكنت أيامها عاطل خسران فوق 3 مليون في تجاره وأسكت بس لاأعدد عليك دنيا تراكمت علي هاك العام ،، المهم حطيت الضيقه وفرغت همومي في القصيد ،، والآن من فضل ربي وشكره أنقلب الحال الى 360 درجه ولله الحمد والمنه ،،
شيء مايصدقه عقل،، ولعلمك أنا بعد مانيب من النوع اللى يرجع للقصيده ويعدل ويبدل ويزركش الخ،،،

المهم والله أنها تفوح فوح من صدري،،، وأنا قبل أخذتلي خمس سنين عجزت لأسوي مرثيه في أبوي،،

مع تحياتي

تحديث
 

تحديث للصفحة فقط

مع تحياتي