ياويل من سود النواظر تصيــده (ياويله ويلاه)
 

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يطري عليّ بتالي الليل أسافر= وأنصاك في دارك ولو هي بعيده
وأرجع وأفكر ليش أطرّد مهاجر=خلٍ جفاني ليش أدوّر مديده
وأمدور المقفين بالحيل خاسر=ومن يتبع المقفين شقق بديده
لا محصلٍ مكسب ولو كان ماهر= لو كان بالحنكه معبٍ رصيده
لو كان قلبي دوم جازم يخاطر=بعض الليالي له طوارٍ فريده
وأوقفت عقلي عند قلبي امحاصر=ولولا العقل ما الحق لقلبي شريده
من طاوع الخفرات ياعنك عاثر=ومن صادقنـّه راح لأهله فقيده
وأمست عليه أمه تمش المحاجر=تبكيه مقتولٍ طريد الطريده
ومن كذب الشاعر بكل المشاعر=يمشي وراهنـّه ويلقى المكيده
قد قاله (الله) كيدهن شرّ وافر=وياويل من سود النواظر تصيده
والخير منهن ون حصل حلم عابر=أحلام يحسبها المولّع تفيده

*****

أبو طلال[/poem]

صح السانك يابو طلال قصيده رائعه
تحياتي

صح لسانك يا خال

ولا هنت

شكرا
 

صح بدنكم،،

وشكرا لكم على الكلمات الطيبه

مع تحيـــاتـــــــــــــــــــــــــــــــــــــــي

ابك ابك لا اثر قلبك خضر يالشويب000

قد قاله الله كيدهن شر وافر000000وياويل من سود النواظر تصيده
مار هن سود وكاد هههههههههههه

في انتظار جديدك وصفحة الشعر امتلت



صح لسانك يابو طلال

شكرا
 

أشكرك يابن عمي

يابو رديعه ،، خربت المزاج حطيتني شايب ،، الله يسامحك

وابك انا توني في العشرينات ،، ياخبلك خبلاه أثرك تحسبني عود ،، هههههههههههههههههه

أمدح وأقدح ،، حيل الله أقوى ياابن العم

لكن ماوالله أزعل منك لان تقوم ناقت صالح اللي تقولها

مع تحياتي

[size=5]يامرحبااا مليووووووووووووون

[color=#CC9933]ومن كذب الشاعر بكل المشاعر
يمشي وراهنّه ويلقى المكيده [/color]

الااااااااااااااااااااااااااااااه عليك يالعتيبي ,, انا اشهد انك جبتها ,,

[color=#CC9933]قد قاله (الله) كيدهن شرّ وافر
وياويل من سود النواظر تصيده [/color]

اقوول ولد غااابي ,, حذراااك تنشرها ,, ماهو بخيرلك ,,

نصيحه اخوووو هههههههههههههههههههههههه ,,

ماظنّي "المفاتين" يعدووونها هههههههه ,,

تسلم يمنااااك يالغالي على هالقصيده ,,

بردت قلبي ؛) ,,

لاعدمتك ,, ولاعدمت قصااايدك ,,

اخوك

العتيبي [/size]

شكرا
 

أفاااااااااا يابو عابد ،،، أثرهن صايداتك ،،، الله الله الله ياعقوبتك عقوبتاه

***

ياخوك ليتك عن هوى البيض صديـت
مافالهوى ياخوك غير المذلــه

***

بيت من عرض قصيده نصحت ابها واحدن من الربع ،، وإن شاء الله أنشرها عن قريب.

ماقلت والله غير الصدق ،،،

مع تحياتي

صح لسانك يابو طلال


وبيض الله وجهك

شكرا
 

الأخ نايف

أشكرك على المرور ،، وصح بدنك يالغالي

مع تحياتي